Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

130 muzikantë do të garohen në Konkursin Ndërkombëtar “Virtuozët e rinj”

Kristina Georgieva
Foto: arkiv

Nga data 24 mars deri më 30 mars do të mbahet Edicioni i X-të i Konkursit Ndërkombëtar “Virtuozët e rinj”. 130 muzikantë të moshës shkollore do të garojnë në tri dega – piano, flaut dhe klarinetë. Pjesëmarrësit janë nga 20 vende ndër të cilat: Gjermania, Austria, Belgjika, Rusia, Japonia, Koreja e Jugut, Singapor dhe nga pothuajse i gjithë Ballkani. Themeluesja e konkursit është Millka Miteva, drejtoreshe e Shkollës Kombëtare të Muzikës “Lybomir Pipkov” në Sofje ku do të mbahet aktiviteti i sivjetshëm. Në programin e konkursit janë parashikuar takime artistike, atelie dhe koncerte. “Virtuozët e rinj” gjenden mes anëtarëve me të drejta të plota të Asociacionit Evropian të Konkurseve Rinore të Muzikës.

Millka Miteva Foto: arkiv“Ky është një konkurs i shpresave dhe pritjeve të të rinjve të talentuar – thotë znj. Miteva. – Çdo vit aktivitetit i bashkohet gjithnjë e më shumë interpretues. Në jurinë e “Virtuozëve të rinj” marrin pjesë muzikantë të famshëm botërisht, të cilët i japin krahë rinisë në rrugën drejt skenës botërore.”

Çmimet i shpërndan Fondacioni “Amerika për Bullgarinë”. Konkursi “Virtuozët e rinj” mbahet me ndihmën e Ministrisë së Kulturës dhe nën kujdesin e kryebashkiakes së Bashkisë së Sofjes, znj. Jordanka Fandëkova. Përveç tri çmimeve të para, do të jepet edhe një shpërblim tjetër nga Asociacioni Evropian i Konkurseve Rinore të Muzikës. Pesë nga muzikantët më të mirë do të kenë mundësinë të koncertojnë në skenën evropiane.

Konkursi “Virtuozët e rinj” do të çelet nga violinistja bullgare Kristina Georgieva. Talenti i saj u zbulua pikërisht në këtë konkurs. Në programin po ashtu do të paraqiten pianistët Stefan Bonev, Asen Tançev dhe violinistja Lora Markova. Do të interpretohet vepra e kompozitorit Emerih Hans Ambil i cili vjet meritoi çmimin e parë në degën e kompozimit.

Përgatiti në shqip: Anna Kapitanova




Последвайте ни и в Google News Showcase, за да научите най-важното от деня!

Më shumë nga rubrika

"Vrapoj" – projekti i ri melodik i interpretuesve IVE dhe Chaz

Këngëtarja Ivelina Kollaksëzova - IVE dhe autori, producent dhe interpretues me popullaritet në rritje Ljubomir Bojanov - Chaz prezantuan këngën e tyre të re "Vrapoj". Ajo është një vazhdim i historisë për të cilën ata bënë aluzion në këngën e tyre..

botuar më 25-03-31 6.10.PD
Prova e

"Rigoletto" është premiera e parë e operës në vitin e përvjetorit të Operës së Stara Zagorës 2025

Opera më e vjetër jo-kryeqytetëse në Bullgari – Opera e Stara Zagorës, e cila feston një përvjetor mbresëlënës këtë sezon krijues, paraqet kryeveprën e Verdit "Rigoletto" më 28 dhe 29 mars. Ekipi i produksionit drejtohet nga këngëtari dhe..

botuar më 25-03-27 6.10.PD

Kristian Kostov bën një fillim të ri me këngën e tij "Unë jam ti"

Kristian Kostov, edhe pse i ri, tashmë është një interpretues dhe autor i njohur. Ai la një përshtypje të fortë gjatë sezonit të katërt të X Factor në vendin tonë, duke arritur në finalen e madhe dhe duke fituar një audiencë të madhe. Më pas ai u shfaq..

botuar më 25-03-26 6.05.PD