Pyje dhe bime të rralla ishin rivendosur në 10 parqe natyrore në Bullgari me ndihmën e WWF – Bullgaria. Në planin për menaxhim të parkut natyror Rusenski Lom për shembull është parashikuar heqjen e llojeve invazive drusore – dhe mbjellja e fidanëve të llojeve vendëse. “Projekti i WWF ndihmon drejtorin e parkut që të merret me këtë detyrë dhe inkurajoi edhe shumë parqe të tjera të planifikojnë veprimtari të tilla në prioritetet e tyre dhe tashmë po realizohen – shpjegon udhëheqësja e projektit Katerina Rakovska. – Kjo iniciativë ka për qëllim të plotësojë mungesën e përvojës dhe të burimeve në Bullgari në menaxhimin e habitateve nga rrjeti “Natyra 2000”. Si në parkun Rusenski Lom, habitatet buzë lumenjve në tërë vendin janë në gjendje jo të mirë dhe për rivendosjen e tyre nevojiten burime financiare dhe ekspertë.” Në saj të projektit u bë e mundshme rivendosjen e tërfilit të ujit Menyanthes trifoliata në malin Vitosha, ndërsa në rajonin e manastirit të Rilës përsëri po lulëzon aguliçja Primula deorum. Ishin shumëzuar edhe shumë lloje të tjera vendose në parqet natyrore Vraçanski Ballkan, Sinite kamëni, e të tjera.

Dy çifte hutash kokëbardhë janë vendosur në Ballkanin e Vracës në pjesën perëndimore të malit Stara planina. Kjo ndodhet për herë të parë prej 70 vjetëve e këtej kur zogj të tillë shihen në këtë pjesë të malit. Ky fakt është rezultat i përpjekjeve të shoqatës “Ballkani Jeshil” që prej disa viteve po punojnë në projektin “Life +” për kthimin e hutave në Bullgari. Rajoni i Ballkanit të Vracës ofron mundësi të mira për bërje të foleve. Këtu gjendjen masivet më të larta deri 400 metra të pjerrëta të shkëmbinjve gëlqeror në Evropë në këtë nivel të detit. Gjatë shkurtit në pjesën lindore të malit Stara planina ishin parë dy çifte të tjera hutash. Zogjtë janë me unaza në këmbët dhe janë importuar nga jashtë dhe janë lëshuar për adaptim në malin Stara planina.

Me një foto konkurs “Një grimcë dashurie në objektivin tuaj të fotoaparatit dhe kamerës” përfundon fushatën e sivjetshme për ushqim të zogjve dimërorë në Shoqatën Bullgare për Mbrojtje të Zogjve. Thirrja e organizatorëve ishte – na tregoni fotografitë tuaj si ushqehen zogjtë. Konkursi përfundoi më 10 mars. Fotografitë dhe sportet do të mund të shihen në sajtin e Foto-forum, ku mund të votohen në galerinë e bërë për këtë. Fituesit do të shpallen më 25 mars të këtij viti.

Përgatiti në shqip: Zoja Kostadinova

Fotografi: Shoqata Bullgare për Mbrojtje të Zogjve nga konkursi i vitit të kaluar