Emisarë të “Al Kaidas” ka rekrutuar luftëtarë për luftën në Siri ndër myslimanët në lagjen rome “Iztok” të qytetit Pazarxhik, alarmon gazeta “24 orë”. Informacioni është konfirmuar nga disa burime. Për mision e përgatitur të organizatës terroriste në vendin tonë DANS (Agjencia Shtetërore “Siguria Kombëtare”) është paralajmëruar nga centrali i zbulimit të një vendi mik. Në fund të vitit të kaluar në qytetin Pazarxhik ka mbërritur një shtetas francez me prejardhje boshnjake. Ai ka qenë i dërguar i një prej grupazheve, që luftojnë kundër autoriteteve në Siri. Në lagjen “Iztok” boshnjaku është takuar me liderin joformal të romëve mysliman Ahmed M. i cili është ndër të pandehurit kryesor në procesin për predikim të islamit radikal, ripohojnë burimet.
Gjykata Kushtetuese njëzëri shpalli antikushtetuese vendimin e parlamentit nga 22 tetori të vitit të kaluar për zgjatje të moratoriumit deri më 1 janar të vitit 2020 mbi fitimin e pronësisë mbi tokën bullgare nga të huaj dhe nga persona të huaj juridik, njofton gazeta “Duma”. Sipas Gjykatës ky akt është në kundërshtim me Kushtetutën si edhe me Marrëveshjen për anëtarësi të Bullgarisë në BE nga viti 2007. “Gjykata Kushtetuese rrëzoi moratoriumin skandaloz për shitje të tokës së huajve”,ky është titulli në gazetën “Sega” dhe ajo komenton se forcat politike preferuan të mbajnë heshtje mbi këtë çështje. Gazeta rikujton se sipas Marrëveshjes, ndalimi për shitje të tokës shtetasve nga BE, përfundoi më 1 janar të vitit 2014, kur përfundoi edhe periudha 7 vjeçare kalimtare.
Rrezik për okupim të ri, firmë e re e rojës, rendi i ri për hyrje në Universitetin e Sofjes “Shën Kliment Ohridski”, zënka të reja politike dhe pasione partiake Kjo ndodhi dje, pasi u ndërpre okupimi i dytë i Universitetit, informon gazeta “Trud”. Gazeta njofton edhe për takimin e iniciuar nga Blloku Reformator, i cili mblodhi për diskutim të veprimeve të përbashkëta kundër kabinetit “Oresharski” përfaqësues të “Studentëve që zgjohen herët”, përfaqësues të okupimit të dytë, profesorë që mbështetin protestën etj.“Dërgohen në gjyq okupatorët, pushuan nga puna roja e Universitetit, ky është titulli i gazetës “Standard” dhe shton se udhëheqja e Universitetit të Sofjes mendon a të ngre pati kundër pjesëmarrësve në okupimin.
Proteste në mbrojtje të parkut natyror“Stranxha”edhe kundër ndërtimit në të u zhvilluan dje në Sofje dhe në qytete të tjera, informon gazeta “Duma”. Në kryeqytetin rreth 200 veta bënë një marshim dhe numri i tyre po rritej vazhdimisht për shkak të aktivistëve që vinin në fund të ditës së punës, thuhet në materialin. Mbrojtësit e natyrës do të depozitojnë para Parlamentit Evropian dhe Komisionit Evropian një peticion, për të cilin aktualisht po mblidhen nënshkrime.“Duam det dhe rërë, dhe jo beton dhe “shkëlqim artificial”, “Poshtë duart nga Stranxha” – këto ishin tekstet në disa pankarta.
Georgi Përvanov dhe të gjithë “shokët” që mbështetin projektin ABV, janë vet përjashtuar nga PSB Një konstatim të tillë do të miratoi Këshilli kombëtar i PSB në mbledhjen e tij të shtunën më 1 shkurt. Në këtë mënyrë PSB do të ndërpresë anëtarësinë e ish presidentit Georgi Përvanov në PSB për shkak të planit të tij të regjistrojë një listë të majtë alternative për zgjedhjet për Parlamentin Evropian, në krye me Ivajlo Kalfin, shpjegon në faqen e saj të parë gazeta “Trud”. Po këtë fat do të ketë edhe ish ministri i brendshëm Rumen Petkov, i cili haptazi po punon për projektin e Përvanovit. Gazeta “Duma” po citon deputeten evropiane Iljana Jotova e cila është e bindur se Plenumi të shtunën do të jetë shumë i rëndësishëm, sepse në të do të qartësohen pozitat e dy palëve të formuara në parti.Mbi këtë temë gazeta “Novinar” boton titullin “PSB mbyll faqen me ABV të shtunën” dhe njofton se strukturat në për vende të PSB kanë reaguar ashpër kundër tradhtisë së Përvanovit.
Firmat e vogla në Bullgari do të marrin ndihmë financiare nga Katari.Për këtë qëllim do të krijohet një fond i përbashkët investues, i cili të ndihmojë zhvillimin e ndërmarrjeve të vogla dhe të mesme në Bullgari, saktëson gazeta “Standard”. Për këtë u morën vesh ministri i ekonomisë Dragomir Stojnev dhe kryeministri i Katarit dhe ministër i punëve të brendshme sheik Abfulah binNaser Khalifa Al Tani. Në projektin do të marrin pjesë Banka Bullgare për Zhvillim dhe Korporata investuese “Katar holding”.
Vjedhjet e veturave po shtohen, konstaton në titull “ Kapital Daily". Sipas siguruesve vitin e kaluar janë rritur me afro 50%, ndërsa sipas të dhënëve të MPB rritja është me 23%. Përfaqësues të biznesit të sigurimeve kanë sinjalizuar për tendencën e shqetësuese në një letër dërguar zëvendëskryeministres Daniela Bobeva. Ata i propozojnë qeverisë të ndërmarrë masa konkrete për mbrojtje të qytetarëve dhe kompanive të sigurimit.
Përgatiti në shqip: Zoja Konstadinova
Gjatë 24 orëve të ardhshme do të mbajë mot i vranët. Në shumë vende do të ketë reshje shiu, kryesisht në gjysmën lindore të vendit, do të shoqërohen me bubullima dhe do të jenë të konsiderueshme në sasi. Të mërkurën pas mesditës nga perëndimi..
Ushtruesi i detyrës së kryetarit të BSP-së Atanas Zafirov i tërhoqi dokumentet për pjesëmarrje të pavarur të BSP-së në zgjedhjet e parakohshme parlamentare të 27 tetorit. Dokumentet u dorëzuan nga mbështetësit e lideres së dorëhequr Kornelia Ninova,..
Deri më tani, Komisioni Qendror i Zgjedhjeve (KQZ) nuk ka marrë vendim për aplikimin e dorëzuar që fraksioni i DPS-së rreth kreut të nderit Ahmed Dogan të dalë i vetëm në zgjedhjet e jashtëzakonshme parlamentare të 27 tetorit. Ai u dorëzua ditën e hënë..
Kryetari i Dhomës së Përfaqësuesve të Japonisë, Fukushiro Nukaga, mbërriti për një vizitë zyrtare në Bullgari, njoftoi BNT. Me një ceremoni zyrtare..
Pas festës së Lindjes së Hyjlindëses, Kisha nderon prindërit e saj - shenjtorët Joakim dhe Anna. Për fshatin Smoliçano në rajonin e qytetit Kjustendill,..
Pasi KQZ-ja refuzoi regjistrimin e dy fraksioneve të DPS-së, DPS-ja me liderin Ahmed Dogan dhe kryetarin Xhevdet Çakërov dorëzoi dokumente për..