Nevojitet konsensus midis institucioneve dhe shoqërisë civile

botuar më 13-12-03 1.36.MD

Përpara dhjetë vjetëve në dhjetor të vitit 2003 u krijua Këshilli Ekonomik dhe Social i Bullgarisë. Kjo strukturë e shoqërisë civile kërkon dhe propozon ide për dialog midis institucioneve dhe njerëzve në mbrojtje të interesave të përbashkëta dhe zhvillimit të vendit.

“Praktika e Këshillit është sidomos e dobishme sot në situatën e tensionit social dhe mos kënaqësisë së qytetarëve – theksoi në kremtimin solemn të përvjetorit të 10 të Këshillit kryetari i tij profesor Lalko Dulevski. – Për këtë tension në shoqërinë ndihmon dhe fakti, se gjatë këtyre viteve të fundit të krizës botërore, financiare dhe ekonomike bullgarët vuajtën shumë por nuk lejuan Bullgaria t’i krijojë Evropës probleme financiare, siç e bënë këtë disa shtete të tjera nga Bashkimi Evropian.
Sot ne kemi probleme më të mëdha sesa vendet e tjera anëtare. Fjala është për krizën demografike, për cilësinë e kapitalit njerëzor, për kontingjentin në rritje njerëzish analfabetë dhe të pakualifikuar. Vetëm pas 15 vjetësh këto probleme do të bëhen një pengesë serioze për zhvillimin e vendit dhe prandaj tani duhet të ndërmerren politika adekuate, afatgjata. Por kjo kërkon kohë dhe mjete financiare. Kështu që Evropa duhet të na ndihmojë, po të dëshirojë të shfaqë ndjenje drejtësie ndaj bullgarëve. Në insistojmë për përkrahje dhe ndihmë financiare për zgjidhje me kohë të këtyre problemeve në interes të Bullgarisë dhe të BE-së.”

“Platforma e dialogut civil në vend, partner i institucioneve shtetërore dhe në rast nevoje – korrigjues i rëndësishëm për formimin e politikave të zhvillimit ekonomiko-social të vendit – kështu presidenti Rosen Plevneliev vlerësoi veprimtarinë e Këshillit Ekonomik dhe Social të Bullgarisë. Gjatë viteve të fundit jemi dëshmitarë të valëve spontane të protestës të qytetarëve, të një tensioni në rritje dhe të një uljeje rekord të besimit te institucionet dhe politikanët si në Bullgari, ashtu dhe në BE dhe në botë. Po rritet roli i shoqërisë civile, ajo kërkon ndryshim në rendin e ditës të institucioneve dhe pret nga politikanët transparencë në qeverisjen e vendit, institucione stabile, të hapura për qytetarët, që zgjidhin problemet socialo-ekonomike. Tani, më shumë, se kurdoherë tjetër është i nevojshëm një dialog midis institucioneve dhe shoqërisë. Dhe këtu një rol shumë të rëndësishëm mund të luajë Këshilli Ekonomik dhe Social i Bullgarisë.”

Në vendin tonë ndodhet dhe z. Anri Malos, president i Komitetit Ekonomik dhe Social Evropian, anëtare e të cilit është Bullgaria. “Është shumë e rëndësishme, se në vitet e kaluara ju arritët ta ruani frymën e dialogut dhe konsensusit mbi çështje të rëndësishme kombëtare – nënvizoi zoti Malos. – Bullgaria nuk është vetëm, ajo është anëtare e familjes evropiane. Por kjo familje përjeton çaste të rënda. Bullgaria gjithashtu nuk bën përjashtim. Këshilli Ekonomik dhe Social i Bullgarisë është element i domosdoshëm për afrimin dhe dialogun midis nesh. Duhet të luftojmë kundër atyre që pengojnë zhvillimin e shoqërisë. Doemos burokracia dhe teknokracia janë sëmundjet e pashmangshme të shoqërisë moderne. Bullgaria gjithashtu është bërë pre e gjithë kësaj. Por ekstremizmi dhe ksenofobia janë elemente vdekjeprurëse për shoqërinë evropiane. BE ka lindur pas Luftës së Dytë Botërore për të hedhur poshtë këto elemente. Sot për këtë duhet të punojmë të gjithë ne – evropianët. Ja përse zgjedhjet e ardhshme për institucione evropiane do të jenë një zgjedhje fondamentale midis atyre që dëshirojnë të realizojnë ëndrrën evropiane dhe atyre që dëshirojnë ta shkatërrojnë.”

Përgatiti në shqip: Gyulka Ilieva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Nevojitet konsensus midis institucioneve dhe shoqërisë civile

Më shumë nga rubrika

Pse Sofja është kryeqyteti i përshtatshëm për Tubimin Panortodoks

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së

Pse Sofja është kryeqyteti i përshtatshëm për Tubimin Panortodoks