Falja e dënimeve bëhet publike

botuar më 13-11-11 12.43.MD

Foto: president.bg

Nga fillimi i muajit të ardhshëm informacioni për faljen e dënimeve në Bullgari do të publikohet në faqen e Presidencës. Për këtë qëllim Komisioni i Faljes pranë presidentit të vendit aplikon një sistem elektronik të menaxhimit të veprimtarisë së tij. Për aplikimin e sistemit janë harxhuar 3.5 mijë euro, të livruara nga një projekt evropian – bëri të ditur kryetarja e Komisionit docent dr. Ira Pushkarova.

Sistemi i ri u prezantua në një konferencë dyditore, nën egjidën e nënpresidentit Margarita Popova dhe i ishte kushtuar temës “Falja si politikë shtetërore”. Në të morën pjesë ambasadori i Gjermanisë në Bullgari Matias Hjofner, drejtori i Programit juridik për EJL të Fondacionit “Konrad Adenauer” Torsten Gajsler, drejtorja e Zyrës në Bullgari të Fondacionit “Friedrich Ebert” Regina Shubert, shumë juristë dhe ekspertë.

Sipas docent Pushkarovës sistemi do të digjitalizojë tërë procesin e shqyrtimit të dokumenteve – nga lutja për falje deri te dekreti i nënpresidentit. “Ky sistem do ta lejojë përpunimin statistikor të informacionit, kështu qe në çdo çast çdo vizitues në internet mund të informohet nga sajti i presidentit për numrin e lutjeve, vendimeve, dekreteve dhe për profilin e njeriut që kërkon falje. Mund të shihet sa janë faljet, kujt i është refuzuar falje, në ç’bazë merren vendimet dhe hollësi të tjera. Informacioni i përpunuar nga ky sistem do të ndihmojë për vëzhgim të personave kriminalë që ndikojnë për kryerjen e krimeve të ndryshme. Gjithashtu mund të shihet dhe dinamika e kriminalitetit. Ky informacion mund t’i shërbej si Komisionit në marrjen e vendimeve, ashtu dhe çdo personi që interesohet për problemet e krimit dhe faljes. Dhe bile probleme që kanë të bëjnë me praktikën gjyqësore. Nga fillimi i vitit 2013 e deri tani në Bullgari janë falur dënimet e 7 personave prej 1500 lutjeve gjithsej, të tjerëve u është refuzuar falje. Në vitin e mëparshëm ka pasur vetëm 3 falje nga 1000 lutje gjithsej.” Doc. Pushkarova është e bindur, se qe të mbahet përgjegjësia për vendimet e marra, ato duhet të jenë të kuptueshme edhe për shoqërinë, të jenë të qarta edhe kriteret dhe arsyet për të, si dhe efektet prej tyre. Këto vendime duhet të merren në bazën e standardeve unike. Sipas saj sistemi i ri on-line është një hap i mirë për më shumë transparencë në sistemin gjyqësor.

“Më duket, se dobia e tij është e padiskutueshme. Sepse çdo shtetas bullgar mund të informohet nëpërmjet tij për gjithçka të lidhur me faljen. Puna jonë do të jetë transparente për shoqërinë”, thotë docent Pushkarova.

Përgatiti në shqip: Gjyulka Ilieva

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Falja e dënimeve bëhet publike

Më shumë nga rubrika

Shpallën renditjen e institucioneve të arsimit të lartë dhe diplomat më fitimprurëse për vitin 2024

Një ekspozitë në "Urën e të dashuruarve" në Sofje ndjek arritjet bullgare të olimpiadave shkencore

BNT feston me një program të veçantë 65 vjetorin e themelimit

Chat-i bullgar me inteligjencën artificiale BgGPT mund të shfrytëzohet falas nga të gjithë

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj