Mbi 60% prej vdekshmërisë në Bullgari i detyrohen sëmundjeve të zemrës dhe të enëve të gjakut

botuar më 13-10-29 1.06.MD

Profilaktika është terapia më e mirë e sëmundjeve të zemrës.

Foto: BTA

Bullgaria ishte mikpritëse e Kongresit të VII Ndërkombëtar për Sëmundjen e zemrës dhe të Enëve të Gjakut. Në të morën pjesë afro 70 lektorë të huaj – nga Evropa, Kanadaja, Izraeli, India dhe Japonia. Bashkë me kolegët e tyre bullgarë ata diskutuan lidhjen midis arterosklerozës, hipertonisë arteriale dhe sëmundjeve të zemrës dhe të enëve të gjakut si dhe mundësitë për diagnostiko të hershme, për kurim dhe profilaktikë. Çdo vit në nga të gjitha rastet e vdekjes në Tokë një e treta janë shkaktuar nga sëmundjet e zemrës. Në Evropë këto sëmundje shkaktojnë 47% prej rasteve të vdekjes. Shkaqet kryesore janë sëmundja koronare e zemrës dhe insulti. Në Bullgari përqindja është akoma më e lartë – 60% prej të gjitha rasteve të vdekjes. Nga kjo sëmundje vuajnë më shumë bullgarët në moshë nga 30 deri në 40 vjeç.

“Shoqata e Kardiologëve në Bullgari gjatë viteve të fundit i kushton një vëmendje të konsiderueshme prevencës së sëmundjeve të zemrës dhe të enëve të gjakut dhe jo rastësisht Dita e fundit Botërore e Zemrës kaloi pikërisht nën moton për profilaktikë dhe për ulje të faktorëve të riskut – thotë docent Ivo Petrov, kryetar i Shoqatës. – Disa prej faktorëve kryesorë të riskut kanë të bëjnë me diabetin dhe me të ushqyerit jo të drejt, kështu qe problemi është tepër aktual. Ata janë faktorët që shkaktojnë zhvillimin e arterosklerozës së hershme, një sëmundje që është shumë e përhapur në Bullgari. Ka disa shembuj që tregojnë sa e rëndësishme është profilaktikja në këto raste nga pikëpamja sociale dhe mjekësore. Kur ajo bëhet objekt i politikës sociale atëherë edhe përhapja e sëmundjes dhe vdekshmëria ulen 20%. Mbasi jemi në një nga vendet e para në Evropë sa u përket këtyre sëmundjeve unë shpresoj, se ndryshimet pozitive që vihen re disa vitet e fundit do të konsolidohen.”

Në vitin 2008 Bullgaria firmosi zyrtarisht Hartën Evropiane “Zemra e shëndoshë”. Kështu vendi iu bashkua fushatës për veprime aktive për uljen e sëmundjeve të zemrës dhe të enëve të gjakut në shoqërinë e sotme evropiane. Me realizimin e masave të përmendura në Hartën angazhohen përfaqësues të ministrive të shëndetësisë, të shoqatave kombëtare kardiologjie dhe të fondacioneve nga të gjitha vendet anëtare të BE. Vendet që kanë nënshkruar Hartën “Zemra e shëndoshë” detyrohen të nxisin dhe të përkrahin masat për ndryshimin e mënyrës së jetesës të njerëzve, me të cilën të ulet risku nga sëmundjet e zemrës dhe të enëve të gjakut.

“Një pjesë e madhe prej infarkteve mund të parandalohen sepse i detyrohen mënyrës jashtëzakonisht jo të drejtë të jetës – pirjes së duhanit, dietave të pasura me yndyra dhe kripë, mungesës së lëvizjeve. Sipas të dhënave të Ligës Bullgare të Hipertonisë në vend ka afro 2 milionë hipertonikë. Por vetëm gjysma prej këtyre njerëzve mjekohen dhe kontrollojnë nivelet e kolesterolit. Njerëzve duhet t’u rikujtohet pandërprerë të matin tensionin e gjakut dhe peshën, si dhe të reklamohet mënyra e shëndetshme të jetesës, sepse nga këto sëmundje sociale vuan tërë shoqëria”, është kategorik docent Ivo Petrov.

Përgatiti në shqip: Gyulka Ilieva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Mbi 60% prej vdekshmërisë në Bullgari i detyrohen sëmundjeve të zemrës dhe të enëve të gjakut

Më shumë nga rubrika

Bullgaria sërish në zgjedhje

Një ditë për reflektim para zgjedhjeve të parakohshme për Legjislaturën e 51-të të Kuvendit Popullor

Qendrat e kthimit të emigrantëve - një zgjidhje e qëndrueshme ose një model i dënuar pan-evropian për trajtimin e migracionit të paligjshëm

Bullgarët e vetëshpallur në Maqedoninë e Veriut janë shumë më tepër se ata të regjistruar

WWF - Bullgaria nis fushatën e donacioneve "Abonohu për natyrën"