Temat e shtypit të sotëm

botuar më 13-10-21 10.03.PD

Në numrat e tyre të sotme të përditshmet qendrore bullgare vazhdojnë të pasqyrojnë ecurinë e ngjarjeve rreth fluksit në rritje të refugjatëve, para se gjithash sirianë, nga Turqia drejt Bullgarisë. Brenda disa ditëve të afërta Bashkimi Evropian do t’i livrojë Sofjes mjete financiare për shkak të refugjatëve, por ka shqetësime në se këto mjete do të përdoren në mënyrë të plotëvlefshme – shkruan gazeta “Sega”, duke cituar intervistën e dhënë Radios Kombëtare Bullgare nga komisionarja evropiane për bashkëpunimin ndërkombëtar, ndihmën humanitare dhe reagimet në rast krizave, bullgarja Kristalina Gjeorgieva. Sipas gazetës, kriza me refugjatët ecën drejt katastrofës, pushtetarët sorollaten, kurse në vendbanime të ndryshme shpërthejnë protesta kundër planeve, reale apo të imagjinuara, për hapjen e qendrave të migracionit. Lidhur me temën, gazeta “Duma” boton një reportazh nga protesta e banorëve të qytetit Kazanllëk, të cilët e mbyllën për një orë Grykën “Shipka” për shkak të planeve të shtetit ta hapë një qendër për akomodimin e refugjatëve në qytetin e tyre.
Në një intervistë dhënë gazetës “Novinar “ shefja e Zyrës për Refugjatët dhe Migracionin pranë Kryqit të Kuq Bullgar Mariana Stojanova thotë, se për dy të treta prej refugjatëve sirianë Bullgaria është vetëm një vend transit në rrugën e tyre drejt Evropës Perëndimore.
***
Gazeta “Kapital Daily” citon intervistën e profesorit amerikan Stiv Hanke dhënë Radios Kombëtare Bullgare, i cili vlerëson negativisht situatën në Bullgari. Sipas tij klasa politike në vend është pothuaj kriminale, kurse Sofja është një prej kryeqyteteve prijëse të korrupsionit në botë. Sipas zotit Hanke indeksi i varfërisë pas shkatërrimit ekonomik në vitin 1997 keqësohet çdo herë kur në pushtet vijnë qeveri socialiste. Edhe kjo qeveri nuk është më e ndryshme, prognoza e saj për rritje ekonomike prej 1.9 për qind në vitin 2014 nuk është reale – pohon profesori amerikan. Sipas tij e vetmja gjë pozitive, që e ka Bullgaria janë bordi valutor dhe taksa e sheshtë, gjithçka tjetër është negative.
***
Për 11 vjetet e ekzistencës së tyre fondet e pensioneve, prej të cilëve pritet t’u sigurojnë pensione më të larta shtetasve të lindur pas vitit 1959, kanë grumbulluar më shumë para nga taksa dhe zbritje të ndryshme, se sa nga investimet e sigurimeve. Kjo u bë e qartë nga raportet llogaridhënëse të fondeve të prezantuara në Komisionin e Mbikëqyrjes Financiare – informon në faqen e parë gazeta “Sega” Të ardhurat bruto të fondeve janë mbi 2,3 miliardë euro. Gazeta “Trud” e plotëson temën me informacionin, se aktualisht kursimet në fondet private janë më të leverdishme sesa depozitat në bankat. Gazeta “24 orë” shkruan, se interesi i kredive tashmë është në nivelet përpara krizës, por me gjithë këtë numri i huamarrësve nuk është rritur. Bankierët prognozojnë, se interesi do të vazhdojë të ulet.
***
Firmat offshore nuk do të kenë të drejtën e pjesëmarrjes në prokurimet publike. Kështu mbi 1400 firmave bullgare, të regjistruara në Panama, Ishujt Sejshell e në vende të tjera ekzotike do të privohen nga kjo e drejtë – shkruan gazeta “Presa”, duke shtuar, se ky tekst është shkruar në projektligjin e depozituar në Kuvendin popullor. Firmat me aksionarë anonimë do të humbasin dhe shumë mundësi të tjera për pjesëmarrje në jetën ekonomike të vendit. Dyert për to do të hapen vetëm po të shpallin emrat e pronarëve të tyre realë – shkruan “Presa”.
***
Nga faqja e parë e gazetës “Trud” mësojmë, se sipas të dhënave të Dhomës së Përmbarimit, në Bullgari ka mbi 400 mijë borxhlinj të keq, d.m.th. se nuk i shlyejnë borxhet. Bëhet e ditur gjithashtu, se prej 7 vjetëve e këtej, qëkur mbledhja e borxheve bëhet nga firma private, sivjet përmbarimi në Bullgari ka më pak çështje për të zgjidhur.

Përgatiti në shqip: Gyulka Ilieva

По публикацията работи: Atanas Cenov

Последвайте ни и в Google News Showcase, за да научите най-важното от деня!

Ndaje

Temat e shtypit të sotëm

Më shumë nga rubrika

Për sa i përket konsumit të bukës, Bullgaria është e dyta në botë

Krijues të grafiteve pikturojnë kafshë shtëpiake dhe makina në Sofje

Parashikimi i motit për fundjavën

Reagime të ashpra në Bullgari pasi zëvendëskryeministri i Maqedonisë së Veriut i quajti bullgarët "të paqytetëruar"

Më shumë se 80 zanatçinj po prezantohen në një festival artizanati në Veliko Tërnovo

Ministri i jashtëm maqedonas refuzoi një takim me homologun e tij bullgar në Sofje