Opera e Sofjes feston 200 vjet nga lindja e Vagnerit

botuar më 13-05-21 12.31.MD

Në Gadishullin e Ballkanit, tetralogjia “Unaza e Nibelungëve” mund të shihet vetëm në skenën e Sofjes.

Foto: BGNES

Gjatë këtij viti bota feston 200 vjet nga lindja e Riçard Vagnerit. Më 22 maj 2013 në Operën Kombëtare në Sofje është premiera e “Perëndimi i hyjnive” – pjesa e katërt nga tetralogjia e tij “Unaza e Nibelungëve”. Kompozitori gjerman është dhe autor i muzikës, të libretos të këtij krijimi kolosal muzikor. Tema është marrë nga mitologjia gjermane-skandinave dhe poema nga Mesjeta “Kënga për Nibelungët”. Mbi këtë bazë Vagneri ka krijuar epopenë muzikore-dramatike, në të cilën ka shprehur idetë, të cilat e kanë emocionuar gjatë gjithë jetës së tij.

Ideja për paraqitjen e saj në Sofje është e drejtorit të operës Pllamen Kartallov. Mbi të ai si regjisor punon që nga viti 2010. Atëherë publiku bullgar pa “Floriri i Rejnit”. Pasuan shfaqje të “Vallkjura” 2011 dhe “Zigfrid” 2012. Kurse pikërisht tani në ditën e lindjes së kompozitorit, është kulmi – shfaqja e operës së fundit nga tetralogjia. Dirigjent i pjesëve të para ishte bullgari Pavell Balev, i cili punon në Gjermani. “Perëndimi i hyjnive” luhet nën shkopin e dirigjentit të njohur gjerman Erih Vahter.

Gjatë këtyre viteve pedagogu gjerman Rihard Trimborn u ndihmonte interpretuesve bullgarë. “Kaluam një rrugë të gjatë, një rrugë me gurë. Punuam me një entuziazëm dhe frymëzim të madh. I gjithë ansambli – këngëtarë, orkestër, teknikë, drejtor, që të gjithë punuam shumë mbi këtë projekt dhe jemi në rrugë të prezantojmë rezultatin nga kërkimet tona krijuese” – tha zoti Trimborn dhe e lavdëroi grupin bullgar.

Kur drejtori Pllamen Kartallov e ftoi në Sofje, ai nuk besoi se në Bullgari do të gjenden artistë, të cilët ta interpretojnë këtë krijim, sepse ai ve kërkesa serioze vokale. “Unë isha i bindur se do të zbuloj këta këngëtarë bullgar. Isha i vendosur të bëj “Unazën e Nibelungëve” vetëm me artistët tanë – pak teatro, bile dhe në Gjermani e prezantojnë me resurs personal. Dhe ja-na ndajnë disa orë nga premiera e “Perëndimit të hyjnive” – pjesa e katërt, më monumentale nga tetralogjia – tha z. Kartallov. – 4 vjet një grup prej 52 artistë bullgarë, mbi 200 veta grup krijues dhe interpretues dhe akoma kaq punonjës skenik dhe interpretues nga atelietë e ndryshme dhanë kontributin e vet personal ndaj festimit botëror të 200 vjetorit të një gjeniu të qytetërimit njerëzor – Rihard Vagner.”

Opera Kombëtare në Sofje është teatri i parë në Ballkan, në të cilin prezantohet “Unaza e Nibelungëve”. Pavarësisht nga kjo, në të njëjtën rrugë ecën dhe “La skala” e Milanos, e cila po kështu shënon përvjetorin e Vagnerit me vënien e eposit. Shfaqet bullgare ndiqen me interes nga kritika ndërkombëtare muzikore akoma nga viti 2010. Për ta ka kritika të mira si në shtypin gjerman, ashtu dhe në atë kroat rus. Premiera e “Unazës të Nibelungëve” është ngjarje botërore.

Përgatiti në shqip: Nataniela Vasileva

По публикацията работи: Elena Cvetkova

Последвайте ни и в Google News Showcase, за да научите най-важното от деня!

Ndaje

Opera e Sofjes feston 200 vjet nga lindja e Vagnerit

Më shumë nga rubrika

"Fshehtas" nga Dani Ilieva u ndikua nga freskia e muzikës K-pop

Albumi "Ku jetojnë mrekullitë?" – një mesazh për fëmijët bullgarë në mbarë botën

"I dashuri im" – një aventurë pop nga këngëtarja Savina