Nata e Letërsisë Evropiane në 10 qytete bullgare

botuar më 13-05-15 10.13.PD

Foto: BTA

Adhuruesit e letërsisë bashkëkohore evropiane kanë rast për të festuar. Në mbrëmjen e 15 majit do të lexohen publikisht disa pjesë të veprave të autorëve evropianë. Kjo është një ngjarje ndërkombëtare, ideja e së cilës u përket Qendrave të Kulturës Çeke në botë. Nata e Letërsisë mbahet dhe me ndihmën e institucioneve kulturore të vendeve të BE-së EUNIC. Ngjarja kulturore përbën një takim midis shkrimtarëve, përkthyesve, botuesve dhe lexuesve. Nata e Letërsisë Bashkëkohore Evropiane do të mbahet në 10 qytete të Bullgarisë. Këto janë Sofja, Plovdiv, Burgas, Varna, Veliko Tërnovo, Gabrovo, Pernik, Pleven, Ruse e Shumen. Ky është viti i dytë me radhë në Bullgari. Leximet bëhen në vende jo të zakonshme të qytetit dhe në çdo gjysmë orë lexon nga një aktor i njohur ose figurë publike.

Në mbrëmjen letrare të 15 majit përfshihet një sërë kryeqytetesh evropiane dhe shumë qytete ndërkombëtare. Mysafirët bullgarë në mbrëmje do të shijojnë vepra të autorëve nga Austria, Britania e Madhe, Polonia, Hungaria, Franca, Kroacia dhe Çekia. Partnerët e Bullgarisë në këtë aktivitet janë Përfaqësia e KE-së në vend, Ambasada e Austrisë dhe disa institucione kulturore të BE-së, të cilat veprojnë këtej. Po ashtu Shoqata “Sofje: Poetike” do të përfshihet në program me vepra të disa shkrimtarëve të rinj bullgarë.

“Projekti “Nata e Letërsisë” bazohet në idenë se letërsia përbën një rrugë të mirëkuptimit reciprok dhe të shkëmbimit kulturor në tejkalimin e pengesave të komunikimit – tregon znj. Margarita Rumenova nga Qendra e Kulturës Çeke. – Në Sofje ka 12 vende ku bëhet leximi. Institucionet kulturore duhej të zgjidhnin të paktën një vend i cili të mos jetë në godinën e tyre. Ideja është që vendet e leximit të jenë interesante dhe tërheqëse ku nuk të shkon mendje se mund të lexohet. P.sh., një vend i tillë është Posta Qendrore. Veprat e përzgjedhura për t’u lexuar duhen të jenë të përkthyera bullgarisht. Më vjen mirë se sivjet në nismë u përfshinë dhe qytete të tjera të Bullgarisë, jo vetëm kryeqyteti. Në shumë vendbanime bashkitë e përkrahin mbrëmjen e letërsisë. Disa qytete kandidojnë për kryeqytet evropian të 2019-ës dhe ngjarja e sivjetshme është pjesë e përgatitjes së tyre.”

Për adhuruesit e letërsisë do të organizohet një tombolë, sqaroi Katerina Hortova, drejtoreshe e Institutit të Kulturës Çeke. Sipas fjalëve të saj çdokush mund të pajiset me broshurë dhe të marrë vulë e cila vërteton pjesëmarrjen e tij në leximet letrare. Ai i cili ka mbledhur së paku pesë vula mund të luajë tombolën në Institutin e Kulturës Çeke në kryeqytet.

Përgatiti në shqip: Anna Kapitanova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Nata e Letërsisë Evropiane në 10 qytete bullgare

Më shumë nga rubrika

“Abetarja e Peshkut” 200-vjeçare kujton për veten me një botim të ri

Milena Selimi përkthen romanin ”Kohëstrehim” të autorit bullgar Georgi Gospodinov

Filmi-drama "Limonov" fitoi çmimin e madh në "Cinelibri" në Sofje

“Abetarja e Peshkut” 200-vjeçare kujton për veten me një botim të ri