In memoriam – Georgi Borisov

botuar më 12-08-14 12.13.MD

Emri i Georgi Borisovit do të mbetet në historinë e xhazit.

Foto: arkiv

Më 13 gusht u nda nga jeta Georgi Borisov. Ai është një prej muzikantëve më të njohur bullgarë të stilit xhaz, trombonist, kompozitor dhe autor orkestrimesh me autoritet të madh.

Georgi Borisov ka lindur më 6 gusht 1943 dhe ka mbaruar Shkollën muzikore në Plovdiv. Shfaqjet e tij profesionale janë lidhur me orkestrën e Ushtrisë popullore bullgare, orkestër kjo e cila është e njohur me emrin “Estrada e ushtrisë”, me dirigjent Kirill Donçev. Në vitin 1981 Georgi Borisov themeloi “Dinamit Bras Bend” – ky është formacioni, me të cilin ka punuar më shumë jashtë. Më vonë është lider i “Georgi Borisov Bend”. Me këto orkestra muzikanti realizoi një sërë projektesh, kushtuar emrave të mëdhenj të xhazit – Djuk Elingtën, Çarli Parkër, Hërbi Henkok, Glen Milër, Xhorxh Gershuin etj. Ka incizuar rreth 20 albume. Në vitin 1999 fitoi çmimin “Trëndafili i artë” për arritjet e tij në artin e varietesë, kurse në vitin 2003 mori çmimin “Lira e artë” për krijimtari të tërësishme.

Georgi Borisov nuk jepte intervista, nuk kërkonte zhurmën e mediave. Për të nuk do të gjeni shumë informacion në internet, por, patjetër, do të lexoni emrin e tij në enciklopeditë bullgare dhe në ato të huaja të muzikës xhaz.

Përgatiti në shqip: Vesella Mançeva

По публикацията работи: Allbena Bezovska

Последвайте ни и в Google News Showcase, за да научите най-важното от деня!

Ndaje

In memoriam – Georgi Borisov

Më shumë nga rubrika

“Saracta” na zhyt në misticizmin e bullgarëve të vjetër

Pas dy albumeve solo Petko Sllavov prezantoi këngën e tij më të re

"Te dua"

"Trillimi"