Shumë bullgarë kërkojnë mundësi për punë jashtë shtetit

botuar më 12-07-18 10.55.PD

Foto: BGNES

Danieli është 23 vjeç, me arsim të mesëm dhe punon në sferën e ndërtimit. Përpara disa muajve është kthyer nga Franca, ku ka punuar 10 muaj me ndërmjetësinë e një firme bullgare të ndërtimit. Pas kthimit të tij në Bullgari ka punuar në disa brigada ndërtimi, por nuk është i kënaqur nga pagesa dhe kushtet e punës. Tani po kërkon mundësi përsëri të niset për punë në ndonjë vend të BE-së, ku standardi i jetesës është më i lartë. Të ngjashme janë historitë dhe të akoma shumë njerëzve të rinj, të cilët shpresojnë të gjejnë punë, pavarësisht edhe të përkohshme, në ndonjë shtet tjetër.

Këtu nuk flasim për specialistët bullgarë, për të cilët mundësitë për punë jashtë vendit janë mjaft më të mëdha. Një pjesë e madhe prej tyre e kthejnë qëndrimin e vet në një shtet tjetër në të përhershëm. Sipas statistikës të Bankës Popullore Bullgare vetëm nga janari deri në maj emigrantët bullgarë kanë transferuar në Bullgari pothuajse 340 milionë euro. Pothuajse kaq është dhe shuma e dërguar dhe për po të njëjtën periudhë të vitit të kaluar. Të dhënat e Agjencisë së punësimit për 6 muajt e parë të vitit tregojnë se, mbi 1400 bullgarë kanë shkuar në mënyrë legale në punë në shtet nga Bashkimi Evropian për disa muaj. Në këtë numër nuk hyjnë ata, të cilët i kanë gjetur vetes zënie pa ndërmjetësinë e Agjencisë. Punësim i përkohshëm si punonjës agrar në Spanjë kanë gjetur rreth 1200 bullgarë. Mbi 100 veta të tjerë janë të marrë në punë në qendrat për ushqim të shpejt në Gjermani. Të tretë janë nisur dhe punojnë si një personal ndihmës në hotelet, si dhe si ndihmës në ekonomitë shtëpiake.

Agjencia bullgare e punësimit është anëtare e Rrjetit ndërkombëtar EURES, në të cilin punëdhënës evropianë dhe bullgarë shpallin vendet e lira. Çdo një punëdhënës nga bashkësia dhe nga Konfederata Zvicër mund të deklaroi në rrjet vendet e lira të punës dhe të kërkojë nëpunës bullgarë. Mes anëtarësisë së Bullgarisë në Bashkimin Evropian që nga fillimi i vitit 2007, shumë shtete hapën tregjet e veta të punës për punonjësit bullgarë mjaft më shpejt se të tjerët. Aktualisht bullgarët mund të punojnë pa leje në Danimarkë, Estoni, Spanjë, Islandë, Greqi Portugali, Poloni, Rumani, Itali, Qipro, Letoni, Lituani, Sllovaki, Finlandë, Slloveni, Hungari, Çeki, Suedi. Që nga fillimi i këtij viti Gjermania po kështu lehtësoi qasjen deri në tregun e vet të punës për bullgarët dhe rumunët. Për punë në Austri, Belgjikë, Holandë, Irlandë, Angli, Francë, Maltë dhe Luksemburg punonjësit bullgarë kanë nevojë për leje. Do ta marrin, në qoftë se për vendin përkatës nuk ka kandidatë, banorë të shtetit përkatës. Danieli i cili është punonjës ndërtimi thotë, se përveç një pagese të mirë, me rëndësi është dhe siguria e mirë sociale. Për kohën e punës në Francë ai ka marrë rrogë prej 1350 euro, për të cilën në Bullgari firma ndërmjetëse ka paguar kontribute shëndetësore mbi shumën maksimalisht të mundshme në Bullgari prej rreth 1000 euro.

Një vështrim mbi Buletinin për vendet e lira të shpallura nga punëdhënësit evropianë në rrjetin EURES tregon se, më të kërkuarit janë specialistët në fushën e financave, shitës dhe prezantues në dyqane, ndihmës shtëpiake, mjekë, infermiere, rehabilitues, elektroteknikë. Një Raport i Komisionit Evropian nga nëntori i vitit të kaluar tregon se, në sajë të ndikimit afatgjatë nga qëndrimi i bullgarëve dhe të rumunëve në shtete të tjera nga Bashkimi Evropian, PBB i bashkësisë është rritur me 0,3 për qind. Kështu hidhet poshtë mendimi se, në kushtet e krizës punonjësit nga Bullgaria dhe Rumania janë një barrë për tregjet vendase të punës.

Përgatiti në shqip: Nataniela Vasileva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Shumë bullgarë kërkojnë mundësi për punë jashtë shtetit

Më shumë nga rubrika

Radioja Kombëtare Bullgare mbush 90 vjet – një histori krenarie dhe pa paragjykime!

Radioja Kombëtare Bullgare feston përvjetorin e saj të 90-të me aktivitete të ndryshme

Një ekspozitë multimediale paraqet historinë dhe zërat e BNR

Personaliteti i Vasill Levskit vazhdon të lidhë bashkatdhetarët tanë jashtë vendit