Fiesta e modës në Sofje

botuar më 12-07-09 10.51.PD

Foto: BGNES

Në një ceremoni të posaçme në kryeqytet më 9 korrik, Dhoma kombëtare e modës do të shpallë emrat e dizajnëve bullgarë, të cilët marrin një përkrahje për linjat e veta të modës në kuadrin e programeve të ardhshme të Këshillit evropian të modës. Ngjarja është një pjesë nga Java e shtatë e modës së lartë në Sofje. Ajo është e organizuar nga Dhoma kombëtare për modë në partneritet me Asociacionin e fotografëve të modës në Bullgari dhe me përkrahjen e Bashkisë së Sofjes.

Krahas me sfilitet e modës, e cila solli larmi në jetën e verës së Sofjes, Java e modës së lartë 2012 paraqiti: “Seminare pune mbi modelimin dhe konstruksion e veshjes, organizuar nga Akademia kombëtare e modës dhe shkollat për modelim dhe konstruksion – shton Nadja Vëleva, kryetare e Dhomës Kombëtare për modë. – Seminaret janë në 3 tema të veçanta: për fustane, për fund dhe për modelim të korsesë, dhe janë për të gjithë të cilët interesohen dhe duan të specializojnë në këtë fushë. Po kështu ka dhe klasë profesionale për makijazh dhe parukeri me pjesëmarrjen e profesionalistëve tanë të njohur në këto fusha. Mes tyre është floktari Goran Stojanov, i njohur në Itali dhe Francë. Gjatë vitit 2004 krijuam Dhomën kombëtare për modë, e cila gjatë vitit 2007 zhvilloi projektin Këshill evropian të modës. Ai u autorizua nga Bashkimi Evropian si një institucion zyrtar të bashkësisë për modë dhe dizajn të modës, që bashkon nën kapelën e vet 19 shtete. Me krenari do të them se, pikërisht nga vendi ynë u nis ideja për programin “Evropa e Modës”, e cila fillon gjatë këtij viti me konkurs për dizajnerë të rinj nën patronazhin e komisionarit evropian mbi punësinë Llasllo Andor.”

Java e modës së lartë në Sofje paraqiti dhe koleksionin e modës për burra për kohën e lirë pranverë-verë 2013 të Vasill Petrijskit, i cili tani jeton dhe punon në Malta. Dizajneri u kthye në podiumin vendas të modës pas një mungese 15 vjeçare posaçërisht për këtë javë: “Në fakt koleksionim është bërë mbi bazën e riciklimit – sqaron Vasill Petrijski. – Po punoj me një kompani holandeze, e cila blen koleksione të vjetra të markave të njohura evropiane. Ata më propozuan të bëjnë një seleksionim të veshjeve prej dizajni të xhinsave nga vitet e ndryshme. Unë i ripunova, u bëra një aranzhim të ri, futa dhe materiale të tjera, dhe u formua diçka interesante dhe frymëzuese, jo standarde. U formua një miksim nga moda e veshjeve bluxhins nga kontinentet dhe periudha të ndryshme. Ky koleksion është ekologjik, sepse krijuam diçka të re dhe moderne nga diçka të vjetër dhe të harruar. Ka dhe një nëntekst – të dalim nga super konsumi, të shikojmë se, me kreativitet mund nga e vjetra të bëjmë diçka të re. Mesazhi është se, duhet të kalojmë nga konsumi drejt krijimit.”

Përpara se të emigrojë gjatë vitit 1996, Vasill Petrijski është pjesë nga ekipi i studios për dizajn “Aries Unikat”. Ai ka veshur yje si Ian Gillan, Filip Kirkorov, Oskar Bentën gjatë vizitave të tij te ne. Veshje të tij akoma gjenden në gardërobën e këngëtarëve të njohur bullgarë. “Bota e modës po ndryshohet, ashtu siç ndryshohet edhe jeta. Tanimë nuk kërkohet shkëlqimi. Tendenca është për kthim drejt materieve natyrale, drejt komoditetit përpara shkëlqimit. Njerëzit duhet të synojnë të jenë individualistë dhe jo rob të markave të veçanta dhe viktima të modës”, është këshilli i dizajnerit Vasill Petrijski.

Përgatiti në shqip: Nataniela Vasileva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Fiesta e modës në Sofje

Më shumë nga rubrika

Qendrat e kthimit të emigrantëve - një zgjidhje e qëndrueshme ose një model i dënuar pan-evropian për trajtimin e migracionit të paligjshëm

Gjermania, Britania e Madhe dhe Holanda janë destinacionet e preferuara për emigracion nga bullgarët

Kundëradmirali Marcelo Tarapov: Bullgaria dhe Argjentina po zhvillojnë një aktivitet të frytshëm të përbashkët në Antarktidë

Nënpresidentja Ilijana Jotova hapi një ekspozitë për Trakinë e lashtë në Muzeun Getty

Si do të ndikojë në BE rezultati i zgjedhjeve presidenciale në SHBA