Bullgarët shënojnë rekord të ri të kursimeve

botuar më 12-07-06 11.47.PD

Foto: Архив

Familjet bullgare mbase do të shënojnë rekord të ri të kursimeve të tyre në banka. Shuma e përgjithshme e depozitave arriti 17 miliardë eurot e papritura, tregojnë të dhënat e Bankës Kombëtare Bullgare. Pse e kemi fjalën për rekord? Sepse në fund të vitit të kaluar bullgarët kanë poseduar në llogaritë e tyre bankare 15.8 mlrd euro – “paraja e bardhë për ditë të zezë”. Përveç depozitave në banka, bullgarët kursejnë para në dorë. Vlera e tyre është 4 mlrd euro. Sipas traditës së dikurshme paratë kesh futen në kasaforta, dollapë dhe trezorë publikë, nën dyshek gjithashtu.

Pasuria financiare e bullgarëve gjatë tremujorit të parë të këtij viti arriti 23 mlrd euro, tregojnë të dhënat e kompanisë “Industry Watch”. Këtu përfshihen si depozitat e popullsisë, ashtu edhe paratë në dorë, kursimet e pensionistëve etj. Gjithsesi arsyeja kryesore për rritjen e kursimeve të bullgarëve ka të bëjë me depozitat në banka, të cilat formojnë 70 për qind të shumës së përbashkët. Për shkak të interesave të favorshme bullgarët masivisht depozitojnë mjetet në llogaritë bankare. Kështu fitimi i familjeve bullgare vetëm nga interesat gjatë vitit të kaluar kaloi mbi 600 mln euro. E thënë ndryshe, pasuria financiare e bullgarëve arriti rekordin prej 40 përqindësh të PBB-së. Bullgaria është mes vendeve të BE-së, ku pasuria financiare rritet me tempe të shpejta. Në të kundërt, jemi më të varfër se evropiani mesatar. Kjo, sepse bullgarët posedojnë vetëm një të nëntën e pasurisë mesatare të bashkësisë evropiane. Duhet marrë parasysh, se kur krahasohet pasuria e bullgarëve me atë të qytetarëve të tjerë të vendeve të BE-së, nuk duhet të mënjanohet ndikimi i vendeve më të pasura siç janë Gjermania dhe Franca, të cilat numërojnë popullsi prej shumë banorësh.

Ekspertët i sqarojnë arsyet për rekordin e rritjes së depozitave në banka, duke mbështetur në krizën e përkohshme. Pasiguria lidhur me të ardhurat rritet, kurse “paraja e bardhë për ditë të zezë” mund të ndihmojë në momente të vështira. Nga ana tjetër, familjet bullgare gjithnjë e më shpesh kursejnë shpenzimet për shtëpi, duke shtyrë blerjet e makinave, mobileve dhe riparimet për kohëra më të mira. Bullgarët hedhin para në banka edhe për shkak të interesave të larta të depozitave. Një arsye tjetër për rritjen e pasurisë financiare të bullgarëve ka të bëjnë me tërheqjen e kredive të reja dhe plotësimin e detyrimeve të reja. Pjesa dërmuese e bullgarëve, të cilët deri tani kanë parapëlqyer të investojnë në banesa, tani i shesin pronat e blera ose nuk e bëjnë këtë blerje fare. Kështu që paratë e tyre qëndrojnë në banka si depozita. Kjo shihet qartë te rritja e depozitave të mëdha prej më shumë se 50 mijë eurosh.

Mirëpo, kursimet janë të ndara jo në mënyrë të barabartë. Familjet, e prekura më shumë nga kriza, kursejnë më pak, sepse të ardhurat e tyre mbulojnë shpenzimet për banesën, për fëmijët dhe për ushqimin. Kjo kompensohet me rritjen e të ardhurave të pjesës tjetër të bullgarëve, të cilët i kanë mundësitë jo vetëm për të kursyer, por edhe për të përfituar nga paratë kesh të hedhura në trezorë.

Ekspertët në degë janë kategorikë se kjo tendencë do të ruhet edhe në të ardhmen, sepse gjatë tri viteve të fundit vërehet rritja e qëndrueshme e depozitave me rreth 12 për qind në vit. Megjithëse ka një ulje jo të konsiderueshme të interesave, këto mbeten të larta në raport me interesat mesatare të BE-së.

Përgatiti në shqip: Anna Kapitanova
Kolazh: Jana Mihajllova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Bullgarët shënojnë rekord të ri të kursimeve

Më shumë nga rubrika

Për herë të parë që nga viti 1985, në vendin tonë ka një rënie pothuajse zero të popullsisë

Grafitet në Bllagoevgrad kujtojnë historinë tonë 20-vjeçare në NATO

Java e Librit Ortodoks mbahet në qytetin Varna

Pse disa nga rrugët e Pragës mbajnë emrat e iluministëve bullgarë?

WWF Bullgaria i kushton vëmendje mbrojtjes së arinjve