10 vende nga Gadishulli i Ballkanit do të mbrojnë titullin e vet të forcës së pestë në botë për prodhimin e verës. Nga data 14 deri më 17 qershor Sofja bëhet kryeqyteti i verës ballkanike, ku gjatë kohës së Festivalit të parë ndërkombëtar 400 verëra prej 90 kantinave nga Sllovenia, Kroacia, Serbia, Bosnja dhe Hercegovina, Mali i Zi, Maqedonia, Moldavia, Greqia, Turqia dhe Bullgaria do të luftojnë për dekoratën “Top vera e Ballkanit”.

Historia shekullore ka dëshmuar se, vreshtat dhe vera kanë lindur në Gadishullin Ballkanik. Por, shumë pak veta e dinë se, Ballkani është forca e pestë në botë mes prodhuesve të eliksirit të hyjnive. Fill pas Francës, Italisë, Spanjës dhe ShBA-së vjen dhe regjioni ynë, i cili është me një pasuri të tillë të madhe të varieteteve vendase, të verërave interesante dhe një rilindje të paparë në prodhimin e verës saqë, ideja për një forum ndërkombëtar ballkanik lind në mënyrë spontane dhe gjen një përkrahje të madhe nga bashkësia botërore e verës.

Qëllimi i festivalit është ta ngrejë “Ballkanin” në një pozitë të re si regjion, i cili jo vetëm që ka dhënë vreshta dhe verë, por dhe një cilësi të lartë të produktit të vet. Njerëzit “pas verërave” përkushtojnë të gjithë pasionin e vet ballkanik, që të mund të mbrojnë dhe të ruajnë varietetet vendase.

“In vino veritas” – thuhet në një fjalë të urtë latine. Mbi të mbështetet organizatorët, të cilët përmes verës duan të bashkojnë vendet ballkanike dhe të fshijnë varietetet e

vjetra dhe pretendimet. “Ne duhet të jemi krenar me prodhimin tonë të verërave dhe të fillojmë të ndjekim qëllimet tona të përbashkëta, sepse mungesa e një marketingu të mirë dhe të reklamës u pengon të gjithëve në regjion – komenton për Radio Bullgarinë idenë e festivalit Galina Niforu, drejtoreshe ekzekutive e festivalit të verës. – Disponojmë me varietete të shkëlqyera vendase nga çdo një anë – Bullgaria, Greqia, Turqia, Kroacia, Sllovenia, Serbia, Maqedonia e kështu me radhë. Këto janë varietete të cilat janë një pasuri botërore dhe më shumë kantina, të cilat marrin pjesë në këtë forum na kanë dërguar mostra nga verërat e veta, të cilat do të degustohen gjatë kohës së ngjarjes.”

Konkursi ka për qëllim të përcaktojë verën më të mirë ballkanike. Kjo do të jetë një garë shumë e fortë, e cila rastis për herë të parë. Mbi 400 prova të verërave nga i gjithë regjioni ballkanik kanë deklaruar pjesëmarrje dhe çdo një vend do të luftojë për “Grand trofeun” – statujë e cila simbolizon vreshtat, diellin dhe përsosmërinë e “Njerit virtytian" (skicim i trupit njerëzor nga Leonardo da Vinçi). Top ekspertët e verës nga kategoria “master of wine” nga ShBA-ja, Rusia, Zvicra, Britania e Madhe, Suedia dhe të gjitha vendet ballkanike do të vlerësojnë eliksiret. Organizatorët shpresojnë që ata të bëhen ambasadorët e natyrshëm të kulturës në Ballkan dhe të verërave ballkanike.

Ku është Bullgaria mes kësaj buqete të erërave prej vere?

“Bullgaria zë pozita shumë të mira – thotë Galina Niforu. – Supozoj se, te verërat e kuqe do të prezantohemi jashtëzakonisht mirë, sepse kemi tradita të vjetra dhe prodhojmë verë të kuqe me cilësi të lartë. Në ndryshim prej nesh, vendet e tjera janë më të forta te verërat e bardha. Gjatë viteve të fundit në Bullgari rastisën “çudira” – në këtë biznes fillon të investohet shumë, dega zhvillohet mirë, mbillen vreshta të reja, teknologjia është krejtësisht e ndryshuar si dhe pajisja për prodhimin e verërave.”

Të gjitha vendet ballkanike kanë prioritete të njëjta si dhe mangësi, hasin vështirësi të njëjta në promovimin dhe imponimin e verërave të veta në tregun botëror. Mungesa i buxheteve të mëdha të marketingut, karakteristike për prodhuesit e tjerë të verës si Franca ose vendet nga “Bota e Re”, i bën verërat me cilësi ballkanike jo të afta konkurruese.

“Përse duhet të pimë verë të lira nga Afrika Jugore, Italia, Kili, të cilat po e përmbushin tregun tonë, por të mos të përkrahim verërat bullgare dhe ballkanike, të cilat kanë cilësi të shkëlqyera dhe janë vetëm prej varieteteve vendase, por dhe me një karakter internacional – flet me një patriotizëm Galina Niforu. – Shumë nga këto kantina shfrytëzojnë konsulentë-enologë të huaj, kurse kjo është një mënyrë tjetër t’i kushtohet vëmendje bashkësisë botërore të verës ndaj regjionit tonë.”

Përgatiti në shqip: Nataniela Vasileva
Fotografi: balkanswine.eu