Marshi i supermarketeve në Bullgari

botuar më 12-03-06 12.21.MD

Supermarketet tërheqin klientë me shumëllojshmërinë e produkteve.

Foto: BGNES

Muaji prill, 2010-ta. Me rast të hapjes gjiganti francez “Carrefour” nxori në shitje kos për 4 cent dhe banane për 43 cent. Në të njëjtën ditë rrjeti gjerman i produkteve me çmime të ulëta “Kaufland” nxori për klientët kos për 3 cent dhe banane për 40 cent.

Për herë të parë ballë për ballë në treg dolën dy rrjete të mëdha dyqanesh. Kështu filloi konkurrenca mes supermarketeve dhe dyqaneve të vogla për më shumë klientë. Faktikisht nga kjo situatë përfituan klientët, sepse çmimet e ulëta nuk ndikuan mbi cilësitë e ushqimeve. Për këtë ndihmoi marrëveshja midis Ministrit Bullgar të Bujqësisë dhe Ushqimit, z. Mirosllav Najdenov dhe rrjeteve të mëdha tregtare.

Më shumë se 10 rrjete të mëdha tregtare funksionojnë në tregun bullgar, ndërsa numri i dyqaneve të tyre kalon 1900, tregojnë të dhënat e kompanisë së analizave “Planet Retail”. Ajo parashikon që ky numër akoma do të shtohet

Po flasim për konsumim të reduktuar, ndërsa kohën e fundit supermarketet në Bullgari dalin si kërpudha pas shiut.

“Pikërisht ky konsumim i reduktuar ka të bëjë me suksesin dhe me zhvillimin e tregtisë moderne, sepse konsumatorëve bullgarë ua jepet zgjedhje e madhe asortimentesh – thotë Gergana Maronova nga Instituti i vlerësimeve të marketingut GfK. – Familjet bullgare mund të gjejnë përshtatje të mirë të çmimit të produktit me cilësinë e tij.”

Sipas Gergana Marinovës tendenca në Evropën Qendrore dhe Lindore i ngjan asaj në Bullgari për sa i përket numrit të madh të supermarketeve. Ato hapen në llogari të dyqaneve të vogla. Gjatë vitit të fundit konsumimi i bullgarëve shënon një rritje prej afro 3 përqindësh. Të dhënat e kompanisë së vlerësimeve të marketingut tregojnë se bullgarët nuk blejnë shumë mallra, por shpeshherë e bëjnë pazarin.

Paskan qenë shumë dyqane të rrjeteve të mëdha tregtare në Bullgari.

“Nuk do të thosha që aktualisht kemi shumë objekte tregtare, qoftë dyqanet e tregtisë moderne, qoftë ato të tregtisë së zakonshme, thotë znj. Marinova. – Secili dyqan shpreson në tërheqjen e një lloji të caktuar blerësish. Nëse konsumatori do të bëjë shumë pazar vetëm një herë në javë, patjetër që ai do të preferojë të shkojë në ndonjë dyqan të madh, ku ka lloj-lloj produktesh. Por nëse konsumatori, duke kthyer nga puna, do të blejë një mall të caktuar dhe nuk do të vërtitet, atëherë ai do të shkojë në dyqanin e lagjes në afërsi të punës ose shtëpisë. Më tepër tendenca ka të bëjë me zhvillimin e tregtisë moderne, por kur bie fjala për ngopje me objekte tregtare, kjo tendencë lidhet me tregtinë e zakonshme, d.m.th. me dyqanet e vogla.”

A do të thotë kjo se dyqanet e vogla në lagje do të zhduken?

“Tendenca shkon ndaj reduktimit të shpenzimeve të familjeve bullgare në formatet e zakonshme – tregojnë të dhënat e agjencisë së marketingut. Gjithsesi ky është një proces i ngadaltë, sepse dyqanet e vogla ende zënë pjesën më të madhe të blerjeve të bullgarëve. Rreth 35 për qind të shpenzimeve të veta bullgarët i lenë në dyqanet e lagjes. Parashikohet që kjo pjesë do të ulet.”

Që të mbijetojnë në luftën kundër rrjeteve të mëdha tregtare, shumë pronarë të dyqaneve të vogla bëhen shumë kreativë dhe kërkojnë variante të ndryshme për të mbajtur klientët e deritanishëm dhe për të tërhequr ata të rinj. Këta pronarë ofrojnë shërbime dhe mallra më cilësore, tregojnë njohje të kërkesave individuale të klientëve dhe shpesh bëjnë zgjerim të asortimenteve. Një shembull i ideve të reja janë furrat franceze, ku piqen brumëra të shijshme.

Përgatiti në shqip: Anna Kapitanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Marshi i supermarketeve në Bullgari

Më shumë nga rubrika

Pikërisht 50 vjet më parë, Bullgaria vuri në shfrytëzim centralin e saj të vetëm bërthamor

Qeveria parashikon një pagë minimale prej 1077 leva /550.66 euro/ nga fillimi i vitit 2025

Sektori i IT-së tërheq mijëra bullgarë, por tregu preferon specialistët më me përvojë dhe të motivuar

Në Burgas po hapet një uzinë për automobila të blinduar