Çdo qytet ka pamjen e vet origjinale dhe të papërsëritshme, gjë me të cilën ai dallohet nga vendbanimet tjera. Veliko Tërnovo është njeri prej këtyre qyteteve bullgare, i cili me atmosferën e vet aristokratike ndryshohet nga të tjerët. Dhe kjo nuk është ashtu vetëm për faktin, se gjatë Mbretërisë së Dytë Bullgare vitet 1187 – 1393, ai ishte kryeqyteti i shtetit bullgar. Shtëpitë e ndërtuara shkallë-shkallë në formën e gjysmërrethi mbi lumin Jantra sikur formojnë kurorën madhështore të njërit prej qyteteve më të vjetra të Bullgarisë. Kudo shihen gjurmët e historisë së lashtë bullgare. Krahas kësaj nuk mungon edhe modernizmi urban. Për dukjen më atraktive të këtij vendbanimi bullgar do të kontribuojë edhe projekti për rinovimin e ambientit qytetor.
© Foto: BGNES
Që para 30 vjetësh kishte ide, aleja që zvarrit buzë brigjeve të lumit Jantra të shndërrohet në një vend tërheqës për të gjithë, të cilëve u pëlqejnë pamjet e bukura, qetësia, shëtitjet romantike. Sot projekti prapë është në rendin e ditës. Pas një aktualizimi, në të parashikohet që në rrugën buzë lumit të formohen disa zona për shëtitje. Secila prej tyre do të ketë pamjen e vet e papërsëritshme arkitekturore. Shëtitore do të lidhin këndet e veçanta për argëtim dhe pushim. Do të rivendoset edhe një nga hapësirat më të preferuara të banorëve vendas. Ky është plazhi lumor, i cili gjatë verës do të ofrojë kushte të mrekullueshme për banja diellore. Do të caktohen edhe sipërfaqe për rregullimin e parqeve dhe kopshteve. Qyteti, shtëpitë e të cilit ngrihen në formën amfiteatrale mbi bjeshkën e malit në mesë të gjelbërimit natyror, janë një premisë për krijimin e shesheve fëmijësh, parqeve dhe një zone për ngjitje shkëmbore. Plani ambicion parashikon të ndërtohen edhe porte lumore për varka, ura të varura dhe impiante të tjera atraktive për shëtitje dhe kalim. Ndërtimi i zonës lumore të qytetit do të financohet me mjete të fondeve evropiane dhe me partneritet publik dhe privat.
© Foto: imagesfrombulgaria.com
Novitetet në hapësirën arkitekturore me siguri do të tërheqin më shumë turistë në kryeqytetin e lashtë bullgar. Interesi ndaj Veliko Tërnovos si një destinacion i turizmit kulturor edhe tani është i madh. Duke ardhur në qytet, turistët patjetër shkojnë për vizitë edhe në fshatin e afër Arbanasi. Këtu vijnë shumë miq nga jashtë – Rusia, Rumania, Gjermania, Franca, Britania e Madhe. Një popullaritet ndër miqtë e qytetit fiton festivali veror operistik “Skena e shekujve”. Ai zhvillohet në mesë të dekorit të natyrshëm të kështjellës mesjetare Carevec. Prej shumë vitesh në qytet organizohet edhe Festivali Ndërkombëtar Folklorik, në të cilin prezantohen grupe nga mbarë bota. Mirëpo interes më të madh te turistët provokojnë shfaqjet audio-vizuale “Tinguj dhe dritë”. Në qytet vijnë edhe grupe të organizuara, që të shikojnë këtë spektakël magjepsës dhe mahnitës. Ai është falas në ditët e festave kombëtare. Krahas kësaj në këtë vendbanim të lashtë organizohet edhe ekspozita ndërkombëtare “Turizmi kulturor”.
© Foto: imagesfrombulgaria.com
Me përgatitjen e 1500 akulloreve me shurup qershie mbrëmjen e sotme në sheshin “Velbëzhd” në Kjustendill , nis Festivali i Qershisë . Programi do të zgjasë tre ditë, njoftoi korrespondenti i BNR në qytet Kirill Falin. Posaqërisht për..
Nga data 27 deri më 29 qershor, Sofja do të jetë kryeqyteti ballkanik i verërave. Edicioni i 13-të i Festivalit Ballkanik të Verës do të mirëpresë mysafirët në qytezën speciale të verërave përballë Pallatit Kombëtar të Kulturës (NDK). Vizitorët do..
A mund ta njihni Bullgarinë nga pamja e shpendëve, pa ndihmën e një droni apo avioni? Përgjigja është po, për këtë janë platformat panoramike. Ato janë ndërtuar lart në qiell dhe zbulojnë pamje mahnitëse të grykave, majave të mbuluara me..
"Sofja për fillestarët në 55 hapa" - kështu quhet turi turistik i kryeqytetit bullgar, i organizuar nga Ndërmarrja Komunale "Turizëm" (Visit Sofia)...