Sipas ministrit Trajço Trajkov madje planet më të guximshme të biznesit mund të realizohen në Bullgari

botuar më 12-01-13 2.08.MD

Ministri i ekonomisë Trajço Trajkov me fituesit e çmimit “Investitor i vitit”

Foto: BGNES

Investimet e huaja në Bullgari në periudhën 2001-2010 kanë arritur afro 36 miliardë euro. Këtë e tregojnë të dhënat e Bankës Popullore Bullgare dhe të Agjencisë bullgare për investimet. Sipas informacionit jozyrtar pritet që kapitalet e huaja, të investuara në ekonominë bullgare gjatë vitit të kaluar, të arrijnë 1 miliard euro. Megjithë uljen e investimeve në plan botëror, biznesi bullgar është optimist. Edhe këtë vit pritet që eksporti i Bullgarisë të bëhet lokomotiva e ekonomisë bullgare. E ripohojnë dhe pritjet e ministrit të ekonomisë, energjetikës dhe turizmit Trajço Trajkov, i cili mendon se eksporti i Bullgarisë gjatë vitit 2012 mund të arrijë 20 miliardë euro.

Rritje të konsiderueshme gjatë vitit të kaluar shënojnë sektorët e industrisë përpunuese, elektronikës dhe elektroteknikës, energjetikës dhe turizmit. Ky është një prej faktorëve për eksportin e rritur të Bullgarisë. Ministri Trajkov i analizoi të dhënat dhe dha një shembull, sipas të cilit gjatë vitit 2009 eksporti i Bullgarisë, kryesisht për vendet e BE-së, ka qenë 12 miliardë euro, kurse sivjet pritet që ai të rritet në mënyrë të konsiderueshme. Ministri Trajço Trajkov vuri në dukje se kapitalet e huaja janë kufizuar kryesisht në sektorët e ndërtimit, pasurisë së patundshme, ndërmjetësisë financiare dhe tregtisë, por janë rritur investimet në industri.

Agjencia bullgare për investimet i dalloi kompanitë, të cilat kanë investuar më shumë në Bullgari gjatë vitit të kaluar. Çmimet “Investitor i vitit 2011” ishin në pesë kategori, kurse në konkurs morën pjesë 30 firma.

Borisllav Stefanov, kryetar i Agjencisë për investimet

“Viti 2011 ishte një prej viteve më të vështira sa u përket investimeve jo vetëm në Bullgari, por në përgjithësi në mbarë botën – tha gjatë hapjes së ceremonisë Borisllav Stefanov, kryetar i Agjencisë për investimet. – Sektorët, të cilët para krizës e formonin klimën e investimeve te ne, si financa, tregtia, pasuritë e patundshme, tani janë në periudhë pezullimi. Ndërkohë një pjesë e madhe e projekteve investuese, të cilat mbaruan gjatë dy viteve të fundit janë në sfera si telekomunikacionet, teknologjitë informative, prodhimi, energjetika.”

Ministri i ekonomisë, energjetikës dhe turizmit Trajço Trajkov i përshëndeti investitorët e nominuar dhe të dekoruar: “Në Bullgari mund të realizohen madje planet më të guximshme të biznesit – tha në aktivitet ministri Trajço Trajkov. – Në raportin e fundit të Bankës Botërore Bullgaria është më përpara në klasifikim nga vende si Çekia, Serbia, Turqia, Rumania. Duke e parë listën me firmat e nominuara, më bënë përshtypje dy gjëra. E para është se shumica prej tyre nuk janë për herë të parë në klasifikim dhe e dyta është se këto janë firma, të cilat u përgjigjen koncepteve tona për zhvillimin e ekonomisë bullgare. Kjo na bën më të pasur të gjithë – edhe punonjësit, edhe aksionarët, edhe shoqërinë, edhe tërë Bullgarinë.”

Një prej investitorëve të dekoruar ishte “Lufthanza Tehnik Sofja”. Firma merret me remont të anijeve ajrore në Evropë. Në vitin 2011 kompania ka investuar 13 milionë euro në zgjerimin e veprimtarisë së saj. Drejtori ekzekutiv Bernd Frekman u kujtua se në fillim gazetarët e kanë pyetur pse e kanë zgjedhur pikërisht Bullgarinë për këtë veprimtari.

Drejtori ekzekutiv i “Lufthanza Tehnik Sofja” Bernd Frekman dhe ministri i ekonomisë Trajço Trajkov

“Ne arritëm ta bëjmë Bullgarinë një prej vendeve më të mëdha dhe më të suksesshme për mirëmbajtje të Airbus dhe Boeing në Evropë – tha ai. – Tashmë askush nuk na pyet pse e kemi zgjedhur Bullgarinë. Ne treguam qartë se Bullgaria është një vend shumë i mirë për investime dhe do të vazhdojmë të investojmë në të ardhmen.”

Përgatiti në shqip: Vesella Mançeva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Sipas ministrit Trajço Trajkov madje planet më të guximshme të biznesit mund të realizohen në Bullgari

Më shumë nga rubrika

Inflacioni në Bullgari përshpejtohet në 3.8% në janar

Konkurrueshmëria e ekonomisë evropiane është një temë kyçe në PE sipas eurodeputetëve bullgarë

4% e PBB-së është nga sektori i bujqësisë

Ish-Ministri i Financave Simeon Djankov kryeson Këshillin Fiskal

Toka bujqësore në Bullgari vazhdon të bëhet më e lirë