Bullgarët dhe Shengeni – analizë e Marin Lesenskit nga “Shoqëria e hapur”

botuar më 12-01-09 1.18.MD

Në përgjigje të pyetjes së dëgjuesit tonë Jean-Francois Meile nga Ars sur Moselle, Francë analizatori nga “Shoqëria e hapur” Marin Lesenski komentoi në një intervistë, të dhënë posaçërisht për Radio Bullgarinë, qëndrimet e bullgarëve ndaj anëtarësimit tonë në Shengen. Bullgaria zbatoi të gjitha kërkesat teknike, që të hyjë në zonë, akoma gjatë muajit prill të vitit 2011, por aderimi i saj u shty për vitin 2012, për shkak të mospëlqimit të Holandës, sepse vendimi politik në Këshillin e BE-së merret me konsensus të plotë të të gjitha 27 vendeve anëtare.

“Tema e Shengenit është interesante për shumë bullgarë, komenton z. Lesenski. – Ajo është ndër prioritetet e qeverisë, që erdhi në pushtet në vitin 2009. Të gjitha studimet e zhvilluara tregojnë qartë se bullgarët e përkrahin anëtarësimin e Bullgarisë në zonë – 67 për qind e të anketuarve sipas të dhënave të fundit nga viti 2011 janë për këtë anëtarësim.”

Bullgaria duhej të bëhej anëtare e Hapësirës Shengen në vitin 2011, por aderimi i saj u shty. Si mund të ndikojë kjo mbi qëndrimin e bullgarëve ndaj Shengenit?

“Nuk disponoj të dhëna konkrete, por supozoj se kjo do t’i bënte më skeptikë ndaj anëtarësimit tonë në Shengen. Studimet nga përpara disa muajsh tregojnë se bullgarët e kanë pritur këtë shtyrje, kështu qe ata nuk reagojnë kaq negative ndaj këtij vendimi. Nga ana tjetër vetë qeveria u bë më skeptike dhe tani Shengeni nuk është një prioritet publik, edhe pse detyra mbetet, por nuk është kaq përpara në rendin e ditës.”

A do të stimulojë shtyrja e anëtarësimit ndryshime brenda vendit?

“Mendoj se po. Në fakt, shtyrja e anëtarësimit të Bullgarisë në Shengen u argumentua, jozyrtarisht, me mekanizmin e monitorimit për vlerësim të luftimit të kriminalitetit të organizuar dhe korrupsionit te ne. Kështu që, në qoftë se Bullgaria do që të bëhet anëtare e Shengenit, ajo duhet t’i përballojë këto probleme. Në këtë kuptim ka pritje të mëdha nga ana e shoqërisë bullgare ndaj qeverisë për kryerjen e kësaj pune. Përveç kësaj aderimi i Bullgarisë në Shengen nuk është vetëm dëshirë, por është dhe detyrë, me të cilën Bullgaria u angazhua, duke u bërë anëtare e BE-së. Ndërkohë, vetë Bullgaria ka dobi për t’u aderuar sa më shpejt në zonë, sepse ajo edhe tani është kufi i jashtëm i BE-së, me të gjitha negativat e kësaj, duke e ndaluar imigracionin, por në të njëjtën kohë, bullgarët nuk mund të përfitojnë nga përparësitë e anëtarësimit në zonë, të cilat do të na sigurojnë një lëvizje më të lirë në kuadrin e Shengenit.”

Pritet që vendimi politik për anëtarësimin e Bullgarisë në Shengen të merret gjatë muajit mars. Në qoftë se kjo nuk ndodh, a do të ketë dalje nga “ky paragraf 22”?

“Po, vërtetë ky është “paragraf 22”. Problemi i madh është ky mekanizëm monitorimi i Komisionit Evropian për luftimin e krimit të organizuar dhe korrupsionit për Bullgarinë. Në vlerësimet e tij ka mjaftë subjektivizëm. Kështu qe, në qoftë se një vend, tani është Holanda, por mund të jetë dhe ndonjë vend tjetër, vendos se Bullgaria nuk u përgjigjet kërkesave, të gjitha përpjekjet tona nuk do të merren parasysh. Prandaj Bullgaria dhe aleatët e saj në BE luftojnë për një program minimum – d.m.th. për një hyrje me etapa në Shengen. Së pari do të anulohen kontrollet doganore në aeroporte dhe porte, pastaj edhe në kufijtë tokësorë. Studimet tregojnë se nuk ka potencial të madh imigracioni nga Bullgaria, i cili ta kërcënojë Evropën Perëndimore, e cila tashmë nuk është kaq tërheqëse për shkak të krizës, në të njëjtën kohë vendi ynë tashmë një vit e ndalon imigracionin ilegal drejtë BE-së, që të tregojë se ajo është një partner i sigurt. Megjithatë vendimi për Shengenin është çështje e vullnetit politik të të gjithëve në BE.”

Përgatiti në shqip: Vesella Mançeva

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Bullgarët dhe Shengeni – analizë e Marin Lesenskit nga “Shoqëria e hapur”

Më shumë nga rubrika

Elegjia për Krahinat Perëndimore tingëllon si një requiem

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Chat-i bullgar me inteligjencën artificiale BgGPT mund të shfrytëzohet falas nga të gjithë

Magji festive me këngë, valle dhe takime me Plakun e Krishtlindjeve në Qytezën e Festave të Fundvitit në Pleven

Gjimnazistë bullgarë në një betejë me dezinformimin