Portieri i skuadrës kombëtare Nikollaj Mihajllov u shpall futbollist i vitit

botuar më 11-12-27 1.03.MD

Nikollaj Mlladenovi renditi ndër futbollistët më të mirë të Bullgarisë

Foto: BGNES

Fundi i vitit është kohë për klasifikime dhe dekorime të shumta, por një nga dekoratat më të pritura në Bullgari mbetet “Futbollist i vitit”. Ajo jepet pa ndërprerje që nga viti 1961 e këtej, kurse mbajtës të saj janë bërë lojtarët legjendarë bullgarë si Georgi Asparuhov, Hristo Stoiçkov dhe Dimitër Berbatov.

Pasi vjet mbeti në vendin e tretë në klasifikim, gjatë vitit 2011 Nikollaj Mlladenov arriti ta heq nga vendi i parë Dimitër Berbatovin dhe mori dekoratën prestigjioze për herë të parë në karrierën e vet. Portieri i skuadrës kombëtare bullgare të futbollit dhe të skuadrës holandeze “Tvente” mblodhi 224 pikë gjatë votimit dhe kështu ia kaloi kapitenit bullgar dhe futbollist të skuadrës angleze “Astën Villa” Stiljan Petrov. Pavarësisht se gjatë kohës së dekorimit të vjetshëm, sulmuesi i “Mançestër Junajted” dhe mbajtës i 7 dekoratave “Futbollist i vitit” Dimitër Berbatovi iu drejtoj apel gazetarëve të mos të votojnë më për të, ai u rendit i treti në klasifikim me 196 pikë.

Nikollaj Mihajllov e mori dekoratën nga babai i tij – portieri legjendar i Bullgarisë në Kampionatin botëror gjatë vitit 1994 Borisllav Mihajllov. “Jam jashtëzakonisht krenar se, 25 vjet pas meje dhe djali im bëhet futbollist i vitit”, deklaroi Borisllav Mihajllov në ceremoni dhe shtoi se është i kënaqur nga fakti se, pas kaq vjetëve përsëri demonstrohet respekt dhe njohje ndaj postit më të vështirë në lojën e futbollit – të portierit.

Nikollaj Mihajllov nuk e fshehu gëzimin e tij nga dekorata e fituar, por e falënderoi dhe rekordmenin Berbatov dhe shtoi se, akoma 10 dekorata për sulmuesin do të qenë të merituara. “Kjo dekoratë vetëm do të më detyrojë të punoj me një këmbëngulje më të madhe dhe gjatë vitit të ardhshëm”, tha akoma portieri i ri. Gjatë vitit 2011 ai fitoi dekoratën për një stazh më të mirë në Holandë dhe shënoi një stinë të shkëlqyer me shumë pak gol të lëshuar. Gjatë ceremonisë solemne në Sofje Mihajllovi deklaroi se, dekorata bullgare është më e vlefshme për të bile dhe nga njohja në Holandë. Portieri e falënderoi dhe trajnerin e vet të parë nga “Levski Sofja” – Stanimir Stoillov, si dhe Hristo Stoiçkovin, i cili ishte dhe trajneri i parë i Mihajllovit në skuadrën kombëtare.

Mihajllovi i mahniti tifozët e futbollit gjatë vitit me prezantimin e vet të mirë në “Tvente” dhe meritoi votat e gazetarëve. Gjatë muajit maj ai u zgjodh për portier më të mirë në kampionatin e Holandës, duke kaluar Maarten Stekelenburg nga “Ajaksi”. Bashkërisht me “Tventen” Mihajllov fitoj Kupën dhe Superkupën e Holandës dhe regjistroi një numër rekord prej 13 ndeshjeve të kampionatit pa një gol të lëshuar. Me shfaqjet e tij të shkëlqyera portieri tërhoqi vëmendjen dhe të skuadrave prijëse evropiane si “Totnëm”. Mediat sportive në Evropë pohojnë se interes ndaj bullgarit kanë akoma “Milan” dhe “Barcelona” kurse vetë Mihajllovi deklaroi se, do të gëzohet me gjithë zemër në qoftë se bëhet portier i klubit italian “Milan” gjatë verës së ardhshme.

Dekorata “Futbollist i vitit” është një farë bilanc për nivelin e futbollit bullgar. Pavarësisht nga loja e dobët të skuadrës kombëtare bullgare gjatë vitit, adhuruesit e sportit presin një prezantim të denjë të skuadrës tonë kombëtare gjatë vitit 2012, kurse Nikollaj Mihajllov është një nga futbollistët, prania e të cilit në teren garanton emocione të mëdha dhe rikujton për madhështinë e futbollit bullgar.

Përgatiti në shqip: Nataniela Vasileva

По публикацията работи: Aleksandër Markov

Последвайте ни и в Google News Showcase, за да научите най-важното от деня!

Ndaje

Portieri i skuadrës kombëtare Nikollaj Mihajllov u shpall futbollist i vitit

Më shumë nga rubrika

Grigor Dimitrov nominohet për sportivitet për të dytin vit radhazi

Tenisti më i mirë bullgar Grigor Dimitrov e mbyll vitin në Top 10 të renditjes botërore

Canko Cankov notoi maratonën më të gjatë të zinxhirit Ocean 7