Pozita e Bullgarisë ndaj planit të daljes nga kriza në Eurozonë

botuar më 11-12-09 12.34.MD

Foto: EPA/BGNES

“Buxheti duhet të jetë i balancuar, thesari të mbushet, borxhet të ulen, kurse burokracia të kontrollohet, që të mos bankrotojë Roma.” Këtë e ka thënë Ciceroni gjatë vitit 63 para Krishtit. E ndërrojmë Romën me Evropën dhe rikthehemi në shekullin e XXI-të. Nihil novi sub sole (Asgjë e re nën këtë diell). Si duket problemet me deficitet buxhetore dhe borxhet shtetërore janë të vjetra sa vetë bota. Sot liderët evropianë do të përpiqen të zgjidhin këto probleme të vendeve të Eurozonës. Sepse 10 vitet e fundit u bënë vendimtare për të ardhmen e euros. Franca dhe Gjermania propozojnë një plan kontrate për BE-në dhe disiplinë më të rreptë fiskale. Po të miratohet plani, shumë nga vendet duhet të heqin dorë nga një pjesë e sovranitetit të tyre.

Cila është pozita e Bullgarisë në lidhje me ndryshimet e legjislacionit të BE-së?

Që të përkrahë planin e Parisit dhe Berlinit për sa i përket daljes nga kriza, Bullgaria filloi të vendosë kushte. Sepse rregullat e reja të disiplinës buxhetore do të miratohen nga të gjitha vendet anëtare të BE-së. Bullgaria është e prekur nga fakti që shteteve të falimentuara u bëhen lëshime, ndërsa për vendin tonë që e ka disiplinën e mirë fiskale – jo. Ministria e Financave e Bullgarisë shprehu pakënaqësi me rregullat e reja të BE-së. Sipas tyre vendet që kanë marrë ndihmë financiare nga Fondi Monetar Ndërkombëtar dhe institucionet evropiane, e kanë të drejtën e financimit më të lartë të fondeve evropiane. Brukseli parashikon t’ua japë tre miliardë euro vendeve që kanë vështirësi të mëdha me krizën. Megjithëqë Bullgaria është njëra nga vendet më të varfra në BE, ajo nuk është përfshirë në planin e mbështetjes së ekonomive në kohë krize. Arsyeja ka të bëjë me stabilitetin e treguesve tanë të mikroekonomisë. “Bullgaria ngul këmbë që BE-ja të ketë parasysh shtesa për vendet që mbajnë disiplinë të rreptë financiare, deficit buxhet nën 3 për qind, ndërsa jo për vendet që janë prekur nga kriza financiare”, deklaroi para disa ditësh kryeministri Bojko Borisov.

“Ka shumë tema që nga njëra anë nuk kanë të bëjnë me ne, sepse nuk jemi në Eurozonë, por nga ana tjetër – na interesojnë, komentoi Ministri i Ekonomisë, Energjetikës dhe Turizmit, Trajço Trajkov – Njëra nga temat është në lidhje me mbështetjen e vendeve me një deficit shumë të lartë, të cilave u është pakësuar bashkëfinancimi kombëtar sipas projekteve evropiane. Ne jemi të mendimit kategorik që kjo është një metodë e padrejtë. Sepse nuk mundet vende që respektojnë rregullat, të kenë kushte jo të përshtatshme në krahasim me të tjerat. A duhet të ketë harmonizim të tatimeve? Jo nuk ka nevojë. A duhet të ketë koordinim të politikës financiare, po, le të ketë. Por kjo nuk do të thotë tatime të njëjta, ndërsa ka të bëjë me parametrat e buxheteve.”

Si duket disiplina fiskale e Bullgarisë i ka bërë përshtypje kancelares gjermane Angela Merkel, e cila deklaroi respektin e vetë ndaj Bullgarisë dhe Rumanisë. Këtë e bëri në fillim të fjalimit të saj kyç në Bundestag. “Ne nuk mund të imagjinojmë viktimat që bëjnë popujt e këtyre dy vendeve për këtë që euroja të jetë një valutë stabile”, theksoi znj. Merkel. Mbase kjo është arsyeja për ftesën e Bullgarisë ndër vendet e para me politikë të shkëlqyeshme financiare në Shengen. Këtë e deklaroi para ditësh Ministri Bullgar i Financave, Simeon Djankov. “Ne jemi njëra nga vendet e pakta, të cilat qysh nga dita e parë mund të hyjnë në bashkimin fiskal midis Gjermanisë, Francës, Luksemburgut, Holandës, Finlandës, Estonisë dhe Suedisë”, theksoi ministri Djankov. “Priten që të zhvillohen bisedime në lidhje me kornizën financiare të BE-së, ku Bullgaria do të jetë pjesëmarrëse e privilegjuar”, komentoi ministri financiar. Të gjitha vendet e lartpërmendura mbajnë disiplinë financiare dhe kanë borxhe të vogla, ashtu edhe deficit të ulët buxhetor. Po të krijohet ky klub i ri evropian, Bullgaria do të jetë njëra nga tetë vendet në të. Por si kusht do ta kemi mbajtjen e autonomisë tatimore.

Përgatiti në shqip: Anna Kapitanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Pozita e Bullgarisë ndaj planit të daljes nga kriza në Eurozonë

Më shumë nga rubrika

Tërmete, thatësira, turbina ere... eko-sfidat bashkojnë nxënës nga Bullgaria, Italia dhe Danimarka

Dimri i breshkave - ekipi i Qendrës së Shpëtimit pranë fshatit Banja kujdeset për mbi 200 banorë të saj

Vesella Rajçinova: Bullgarët gëzojnë një reputacion shumë të mirë në Izrael