Sofja dhe Prishtina hapën një rrugë të re të bashkëpunimit kulturor

AUDIO

Update Required To play the media you will need to either update your browser to a recent version or update your Flash plugin.

Më 10 tetor në Sofje drejtori i Bibliotekës Kombëtare dhe Universitare të Kosovës, Prof. Dr. Sali Bashota dhe drejtorja e Bibliotekës së Universitetit të Sofjes “Shën Kliment i Ohrit”, znj. Anna Angellova i shtrënguan duart në lidhje me projektet e përbashkëta midis të dyja institucioneve kulturore. Kështu lindi një bashkëpunim të ri në fushën e kulturës, i cili tregon se marrëdhëniet midis dy shteteve janë duke mbajtur në nivele të ndryshme. Në Bullgari Prof. Dr. Sali Bashota njihet me figurën e tij të poetit. Denica Velleva, ish-studente e Degës së Ballkanologjisë pranë Universitetit të Sofjes “Shën Kliment i Ohrit” ka përkthyer në bullgarish vepra të tij.

Prof. Dr. Sali Bashota është pedagog i letërsisë dhe publicistikës shqiptare në Universitetit të Prishtinës, kryeredaktor i revistës letrare “Jeta e re” dhe drejtor i Bibliotekës Kombëtare dhe Universitare të Kosovës. Më 10 tetor ai na erdhi në Bullgari, ku u nënshkrua një marrëveshje bashkëpunimi me drejtoren e Bibliotekës së Universitetit “Shën Kliment i Ohrit” në Sofje, znj. Anna Angellova. “Ideja për bashkëpunimin lindi para disa ditësh, kur morëm propozimin e kolegëve nga Prishtina dhe unë jam shumë e kënaqur që e realizuam kaq shpejt, tha drejtorja e Bibliotekës në Sofje. – Jam e mendimit se duhet inkurajuar puna e përbashkët e institucioneve kulturore në Ballkan me qëllim bashkimin e vendeve të Ballkanit. Ne punojmë me të gjitha bibliotekat ballkanike. Mirëpo, midis Bibliotekës së Universitetit të Sofjes dhe Bibliotekës Kombëtare dhe Universitare të Kosovës ka një degë suplementare të këtij bashkëpunimi, që ka të bëjë me Sistemin informativ ALEPH. Pak janë bibliotekat në Ballkan që punojnë me këtë sistem të avangardës për ndihmën metodike. Kolegët nga Prishtina do të përfitojnë nga përvoja jonë 124-vjeçare në organizimin e bibliotekës universitare.” Zonja Angellova theksoi nevojën e marrëveshjes për shkëmbim studentësh mes dy universiteteve. “Duke pasur parasysh që në Sofje studiohet gjuha shqipe, për ne si bazë e studimit është shumë e rëndësishme të kemi në dispozicion libra shqiptarë, qoftë libra mësimorë, qoftë fjalorë”, shtoi drejtorja.

Biblioteka Universitare e Sofjes gjithashtu do të dorëzojë në Prishtinë libra të studiuesve të mëdhenj bullgarë. Në takim drejtorja Angellova ia dhuroi profesorit Bashota “Historinë e Bibliotekës së Universitet “Shën Kliment i Ohrit” dhe “Botimet e mbledhura të akademikut Stojan Argirov”. Ai është themeluesi i shkencave bibliotekare në vend dhe pedagogu i parë i kësaj fushe në periudhën nga 1919-ta deri më 1923. Stojan Argirov ka qenë drejtori i parë i Bibliotekës së Universitetit “Shën Kliment i Ohrit” dhe në vazhdim prej 36 vjetëve ka ndërtuar bibliotekën si një institucion evropian modern. Po ashtu zonja Angellova dorëzoi Vëllimin e librave të rrallë dhe të çmuar që ruhen në Bibliotekën Universitare të Sofjes. Ky botim doli në treg me rast të përvjetorin e 120-të nga themelimi i Bibliotekës më 1888. Biblioteka Universitare krenohet me 2 milionë 330 mijë librash dhe është institucioni i dytë kulturor pas Bibliotekës Kombëtare për nga pasuria e botimeve. Prof. Dr. Sali Bashota gjithashtu dhuroi një sërë botimesh, si dhe skulpturën e vogël të perëndisë së tokës – hyjnesha nënë.

Drejtori i Bibliotekës Kombëtare dhe Universitare të Kosovës Prof. Dr. Sali Bashota dhe ambasadorja e Republikës së Kosovës në Bullgari, Shkëlqesia e Saj Znj. Ariana Zherka – Hoxha gjatë kohës së takimit me Rektorin e Universitetit të Sofjes “Shën Kliment i Ohrit” Prof. Dr. Ivan Illçev.

Dy drejtorët patën takim me rektorin e Universitetit të Sofjes “Shën Kliment i Ohrit”, Prof. Dr. Ivan Illçev. Duke qenë edhe pedagog i historisë, rektori përshëndeti bashkëpunimin dhe tha se do të dërgojë studentët e tij të interesuar për historinë ballkanike që të specializojnë në Universitetin e Prishtinës. Në këtë drejtim në Degën e Ballkanologjisë pranë Universitetit të Sofjes u hapën kurse të posaçme suplementare të gjuhës shqipe, ku studentët e degës së historisë dhe etnologjisë ta mësojnë atë. Në takim profesoresha e gjuhës dhe letërsisë shqiptare, Doc. Rusana Bjeleri ua dorëzoi të pranishmëve kopjet e veprave të përkthyera të poetit Sali Bashota. Ajo i bëri thirrje rektorit që të hapet një kuotë pranimi për studentët e Kosovës, të cilët dëshirojnë të marrin pjesë në shkollat verore të gjuhës bullgare për të huajt. Ky propozim erdhi në lidhje me pjesëmarrjen bullgare në Seminarin për Gjuhën, Kulturën dhe Letërsinë

Shqiptare në Prishtinë, ku studentët bullgarë janë të pranishëm që nga edicioni i parë i aktivitetit. Vetë Prof. Dr. Bashota theksoi pjesëmarrjen tonë në seminar, duke shtuar se referimet e studentëve bullgarë janë kontribuar shumë në njohjen e pasurisë kulture bullgare andej. Në shenjë mirënjohje dhe respekti profesori ia dhuroj rektorit Illçev hartën e Kosovës të gdhendur me kristalet e Trepçës. Në të gjitha takimet e Prof. Dr. Sali Bashota në Sofje e pranishme ishte ambasadorja e Republikës së Kosovës në Bullgari, znj. Ariana Zherka – Hoxha, e cila deklaroi se “hap pas hapi do të shkojmë drejt realizimit të projekteve më të mëdha midis të dyja institucioneve në nivele të ndryshme.”

Po të doni të dëgjoni intervistën me Prof. Dr. Sali Bashota, klikoni mbi ikonën AUDIO!

Ndaje

Sofja dhe Prishtina hapën një rrugë të re të bashkëpunimit kulturor

Më shumë nga rubrika

Festivali Ndërkombëtar i Kinemasë Etnografike “OKO” fillon me një theks në Ukrainë

Ditët e Kulturës Bullgare u zhvilluan në Tiranë

“Abetarja e Peshkut” 200-vjeçare kujton për veten me një botim të ri

Festivali Ndërkombëtar i Kinemasë Etnografike “OKO” fillon me një theks në Ukrainë