Zbatimi i buxhetit shtetëror gjatë pjesës së parë të vitit: deficiti po pakësohet

botuar më 11-08-04 10.53.PD

Foto: kolazh Vergil Mitev

Ministri i financave Simeon Djankov në një mbledhje të qeverisë raportoi për zbatimin e buxhetit shtetëror për pjesën e parë të këtij viti. Tregueset makroekonomike në “llogarinë e madhe” të secili shteti tregojnë gjendjen e ekonomisë dhe të tërë shoqërisë. Çfarë janë të dhënat për gjashtë muajit e parë të vitit?

Treguesi i parë është raporti midis të ardhurave dhe shpenzimeve publike. Sipas ministrit Djankov gjatë gjysmës së parë të vitit qeveria ka shpenzuar më shumë para sesa ka marrë nga tatime, taksa, akcize, etj. Kështu deficiti i llogarisë shtetërore arriti 1% të Produktit të Brendshëm Bruto. Kur shteti harxhon më shumë para sesa janë të ardhurat e tij, kjo gjithmonë është diçka shqetësuese. E mira është se në të njëjtën kohë gjatë vitit të kaluar situata ishte akoma më e keqe dhe atëherë deficiti ishte 2.2%. Përfundimi është se politika e tanishme është e drejtë dhe jep rezultate të mira.

Shkaku kryesor për pakësimin e deficitit buxhetor janë të ardhurat e rritura me 7.6% në krahasim me gjysmëvitin e parë të vitit 2010. Rritja është më e madhe e të ardhurave nga tatimet e tërthorta si Tatimi mbi Vlerën e Shtuar. Por të ardhurat ende janë më pak sesa janë shpenzimet. Kjo shikohet edhe nga një tregues tjetër. Logjika tregon se gjatë gjysmëvitit të parë duhet të realizohet gjysma e të ardhurave të parashikuara për tërë vitin. Kjo nuk është e vlefshme për sektorin e turizmit, i cili ka karakter sezonal. Por pavarësisht nga kjo ky afrim mund të na orientojë në situatë. Duke folur për të ardhurat e qeverisë të dhënat tregojnë se ka ndonjë tendencë negative. Sepse këto të ardhura për gjysmë vitin janë më pak sesa është gjysma e të ardhurave të parashikuara për tërë vitin – 45%, të mbledhura nga tatime të tërthorta si TVSH, të cilat janë burimi kryesor i mjeteve buxhetore. Ngadalësimi i mbledhjes së të ardhurave shtetërore është fakt edhe në rastin me akcizat. Vetëm taksat doganore dhe tatimet e drejtpërdrejta mblidhen sipas parashikimeve.

Kur të ardhurat janë më pak, logjika tregon se duhet kërkuar vendime për pakësimin e shpenzimeve. Në këtë drejtim qeveria ka sukses sepse gjatë gjysmës së parë të vitit shpenzimet janë 45% të të parashikuarve për tërë vitin. Më shumë mjete janë kursyer nga paga, shpenzime investimi, interesa. Vetëm në sferën e shëndetësisë shpenzimet janë më shumë sesa të parashikuarat.

Buxheti shtetëror i Bullgarisë për pjesën e parë të vitit është me deficit të ulët, por qeveria vazhdon të disponojë me një rezervë prej 2.6 mrld. euro. Në sfondin e kësaj rezerve deficiti rrjedhës prej 325 mln euro nuk është shumë shqetësues. Por kjo nuk duhet të na qetësojë sepse nëse rritja e Produktit të Brendshëm Bruto prej 2% nuk mbështetet me masa suplementare si tërheqja e investimeve të huaja, absorbimi i mjeteve evropiane, rezultatet për gjysmëvitin e dytë nuk do të jenë të mira, domethënë – do të përfundojmë vitin me tendenca negative. Duhet pasur parasysh se sivjet sezoni turistik nuk është i fortë dhe priten shpenzime të larta për organizimin e zgjedhjeve të ardhshme presidenciale dhe vendore.

Përgatiti në shqip: Jordanka Ivanova

По публикацията работи: Vlladimir Sëbev

Последвайте ни и в Google News Showcase, за да научите най-важното от деня!

Ndaje

Zbatimi i buxhetit shtetëror gjatë pjesës së parë të vitit: deficiti po pakësohet

Më shumë nga rubrika

Biznesi dëshiron stabilitet politik me një qeveri dhe parlament funksional

Paga mesatare vjetore bruto për vitin 2023 në Bullgari është 24 485 leva (12 519 euro)

Bullgaria është ndër të parat në BE përsa i përket regjistrimeve të makinave të reja

Biznesi dëshiron stabilitet politik me një qeveri dhe parlament funksional