“Kënga e Rodopeve është jeta ime” – Rosica Pejçeva me album të ri

botuar më 11-08-02 11.21.PD

AUDIO

Update Required To play the media you will need to either update your browser to a recent version or update your Flash plugin.

Tashmë është i gatshëm albumi i ri i këngëtares popullore Rosica Pejçeva. Ky është albumi i tretë me radhë në biografinë e saj krijuese. Në të janë përfshirë këngë nga krahina të ndryshme folklorike të Bullgarisë, por më shumë janë ato nga Rodopet. Albumi përfshin gjithsej 16 këngë dhe suite muzikore. Koleksioni e ka emrin “Rosni mi rosni, Rosice!” (“Ngrihu me vesë o moj Rosice!”). Kështu titullohet dhe kënga e dashur e Rosica Pejçevës, të përfshirë në album.

Rosica Pejçeva ka lindur në vitin 1973 në qytetin Llëki, i cili ndodhet në malin e bukur Rodope. Ajo është rritur në një familje muzikore, ka mësuar piano, solfezh dhe tambura. Ka mbaruar Shkollën muzikore kombëtare për arte folklorike në Shiroka Llëka, kurse pastaj ka vazhduar arsimin e saj të lartë në Akademinë për arte muzikore dhe koreografike në Plovdiv. Para dy vitesh këngëtarja mbrojti magjistraturë në fushën e art-menaxhimit.

Rosica Pejçeva u bë soliste e formacionit të njohur folklorik Vievska folkgrupa (Grupi folklorik i Vievos) që në moshën 18 vjeç. Puna me muzikantët kontribuoi jashtëzakonisht shumë për formimin e saj si këngëtare dhe sidomos puna e përbashkët me këngëtarin e madh të Rodopeve Veselin Xhigov, gjithashtu solist i grupit. Gjatë kësaj periudhe Rosica mori dhe një prej çmimeve të saj të para – në një konkurs në Stambollovo (Bullgari Jugore), i cili zhvillohej deri në fillim të viteve 90 të shekullit të kaluar. Rosica filloi karrierë më vete në vitin 2007. Në albumin e ri të Rosica Pejçevës ka dhe dy duete me Nikollaj Sllaveevin – një këngëtar tjetër i njohur bullgar nga Rodopet.

Po të klikoni mbi ikonën AUDIO mund të dëgjoni dy prej këngëve, të përfshira në albumin e ri të këngëtares.

Përgatiti në shqip: Vesella Mançeva

По публикацията работи: Valja Bozhillova

Последвайте ни и в Google News Showcase, за да научите най-важното от деня!

Ndaje

“Kënga e Rodopeve është jeta ime” – Rosica Pejçeva me album të ri

Më shumë nga rubrika

“Të mos ndalojmë së kërkuari” – mesazhi në muzikën e Zhivko Vasilevit

"U përmbys mali" – “Deep Zone Project” u përcjell brezave muzikën e mirë bullgare

Edicioni i vjeshtës i SoFest i bashkon artet

"Ferri"