Bullgari dhe rrjetet sociale

botuar më 11-07-29 9.37.PD

Rrjetet sociale përdorin gjithnjë e më shumë për popullarizimin e kauzave të ndryshme si p.sh. protestat në Bullgari kundër çmimeve të lëndëve djegëse.

Foto: facebook.com

Rrjetet sociale bëhen gjithnjë e më të njohura te ne. 1mln bullgarë, ose një e treta e të gjithë përdoruesve të internetit në Bullgari çdo ditë hyjnë në Facebook për të shkëmbyer informatë dhe për të komunikuar me shokë, kolegë, partnerë biznesi... 80% prej tyre janë njerëz në moshë aktive, midis 18 dhe 40 vjeç. Gjithnjë e më shumë organizata joqeveritare, kompani dhe politikanë kuptojnë se Facebook-u është një mënyrë e mirë për popullarizimin e kauzës ose produktit të tyre. Gjatë muajve të fundit rrjeti social është një mjedis i mirë për organizimin e njerëzve të pakënaqur nga ndonjë institucion shtetëror. I tillë ishte rasti me protestat në vend kundër çmimeve të larta të lëndëve djegëse.

Sipas psikologut profesor Nikollai Dançev bullgari përdor Facebook-un për të shprehur emocionet negative, për të lëshuar energjinë e grumbulluar, për të ndarë problemet e veta ose të shprehë mendime, kështu siç e ka bërë dikur në pijetore. “Bën përshtypje se një pjesë e madhe e kombit bullgar – kryesisht të rinjtë dhe inteligjenca preferojnë ambientin e ri të marrëdhënieve joformale, larg kontrollit të shtetit ose të institucioneve të ndryshme, ku lirisht mund të shprehin mendimin e tyre. Jemi dëshmitarë të shumë rretheve miqësore dhe ideologjike, të cilat shfaqin çdo ditë në Facebook. Për shembull, në televizion shikova se motoçiklistët kanë bërë një grup në Facebook dhe anëtarët e grupi vizitojnë jetimore të ndryshme dhe përpiqen t’i ndihmojnë fëmijët duke mbledhur para për kauza të mira. Kjo i pëlqen bullgarit sepse nuk është në kundërshtim me mentalitetin e tij. Në rrjetet sociale ne jemi më të sinqertë, ndajmë mendime më lehtësisht dhe në mënyrë më të lirë. Bullgari i pëlqen të ndaj mendime dhe emocione, por në ambientin e familjes ose të miqve. Në të kaluarën vendi, ku bullgarët janë mbledhur për të komunikuar ka qenë pijetorja. Tani Facebook-u luan të njëjtin rol. Një nga shkaqet, për të cilat bullgarit i pëlqen të shprehë mendimin e vet në Facebook është se ai shqetësohet të fletë publikisht. Nga komunizmi kemi trashëguar një pasiguri dhe nuk i besojmë shumë shtetit. Kombi ynë s’ka besim në institucionet dhe në partitë dhe për këtë arsye Facebook-u është vendi, ku njeriu ndihet i lirë dhe i sigurt se mendimi i tij nuk do të sanksionohet në ndonjë mënyrë. E kam përshtypjen se bullgarët mbajnë bisedime të tipit të ri – në bazë të kësaj që e kanë lexuar në rrjetin social. Atje mendimet e shkruara janë të sinqerta e të çarta, deri sa në vendet publike bullgarët preferojnë të mbajnë heshtje. Ky është edhe shkaku për aktivitetin e ulët shoqëror të qytetarëve bullgarë – ne nuk u besojmë institucioneve dhe kryesisht partive, nuk dëshirojmë të flasim publikisht për punën e tyre dhe për këtë çfarë ndodhet në shoqëri. Unë do të jem i lumtur në se bullgari fillon të dalë pak nga pak nga komunikimi elektronik dhe të shprehë lirisht mendimin e vet.”

Profesori Dançev është bindur se Facebook gjithnjë e më shumë do të luajë rol në jetën tonë dhe do të ndikojë mbi ne si popull. “Ne nuk mund të fshihemi nga teknologjitë bashkëkohore. Kjo është një tendencë botërore. Interneti u jep liri njerëzve që të komunikojnë. Është mirë sepse ai jep gëzim, para kompjuterit bullgari mund të pushojë dhe të argëtohet, mund të lirohet nga energjia e grumbulluar negative. E dini se pavarësisht nga mënyra e shprehjes së mendimit – publikisht ose në variant elektronik – fjalët e ndihmojnë njeriun që të lëshojë energjinë negative dhe të qetësohet. Shkencëtarët kanë provuar se nuk duhet t’i mbajmë këto emocione brenda nesh sepse kështu dëmtojmë psikikën tonë. Eja si mund të vuajë tërë populli. Kështu që le të komunikojmë në internet. Kështu bullgari ka mundësi të fillojë të mësohet të shprehë më lirisht mendimet dhe problemet e veta, të komunikojë me më shumë njerëz – edhe me të panjohur, jo vetëm me ata, të të cilëve beson.”

Përgatiti në shqip: Jordanka Ivanova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Bullgari dhe rrjetet sociale

Më shumë nga rubrika

Filloi Shkolla Verore e Gjuhës Bullgare në Tiranë

Specialistët e filologjisë franceze në vendin tonë kanë mundësi të mira për realizim profesional

Ka pasur shumë interes për kontrollet mjekësore të organizuara nga Bullgaria në Kukës të Shqipërisë

Ka pasur shumë interes për kontrollet mjekësore të organizuara nga Bullgaria në Kukës të Shqipërisë

Specialistët e filologjisë franceze në vendin tonë kanë mundësi të mira për realizim profesional

Filloi Shkolla Verore e Gjuhës Bullgare në Tiranë