Aderimi i Bullgarisë me Hapësirën e Shengenit – pritje dhe realitete

botuar më 11-05-03 11.45.PD

Komisioni i PE-së mbi liritë civile, drejtësinë dhe punët e brendshme ia dha dritë jeshile Bullgarisë për aderim në Shengen

Foto: BGNES

Komisioni i Parlamentit Evropian mbi liritë civile, drejtësinë dhe punët e brendshme miratoi me 33 vota “pro” dhe vetëm 3 “kundër” një raport, i cili rekomandon aderimin e Bullgarisë dhe Rumanisë me Shengenin. Kryeministri Bojko Borisov vuri në dukje se kjo ngjarje është një “vlerësim pozitiv” i punës së qeverisë në Sofje dhe edhe një herë deklaroi se Bullgaria është e gatshme dhe duhet të jetë një kufi i sigurt i BE-së.

Miratimi i raportit me të vërtetë i sjell një shenjë pozitive Bullgarisë. U refuzua oferta e tre eurodeputetëve nga grupi i liberalëve që viti 2011 të mos përmendet si një afat rekomandues për aderimin tonë me Shengenin, kurse afati i aderimit të shtyhet për një kohë të pacaktuar. Nuk u miratua gjithashtu dhe ideja që ai të lidhet me përparimin në luftimin e kriminalitetit të organizuar dhe korrupsionit. Në fakt Komisioni nuk lejoi që ndaj Bullgarisë dhe Rumanisë të aplikohet një standard i dyfishtë dhe nuk lejoi që ato të vëzhgohen nga ana e Komisionit Evropian siç ishte në sferën e drejtësisë dhe punëve të brendshme.

Dokumenti do të miratohet përfundimisht në sallë plenare të Parlamentit Evropian në fillim të qershorit, oferta për korrigjime mund të bëhen në çdo kohë dhe është vështirë të bëhen prognoza se çfarë do të jetë votimi atëherë, sidomos duke pasur parasysh faktin se në Bruksel do të mendohet mbi mundësinë për një rimëkëmbje të kontrollit në kufijtë tanë kombëtarë në rast situatash specifike, të shkaktuara nga një fluks eventual refugjatësh nga Afrika e Veriut. Si një reformim eventual i Hapësirës Shengen do të ndikojë mbi aderimin e Bullgarisë dhe Rumanisë në të, tani për tani është vështirë të parashikohet, por parashikimet janë se realizimi i tij do të vështirësohet.

Vendimet e Parlamentit Evropian janë rekomanduese. Fjalën e fundit do ta kenë ministrat e punëve të brendshme të 25 shteteve të Shengenit, kurse ata do të kenë mbledhje mbi zgjerimin e zonës më 9 qershor. Vendimi i ministrave duhet të merret me një konsensus. Dihet gjithashtu se një grup shtetesh rreth Gjermanisë dhe Francës janë për shtyrjen e afatit të zgjerimit. Kauza e Bullgarisë dhe Rumanisë për aderimin në Shengen nuk është favorizuar dhe nga situata në Afrikën e Veriut dhe Lindjen e Mesme, ku siç dihet nuk do të ketë përmirësim të situatës. Pritjet në Sofje se presioni i migracionit nga Afrika e Veriut dhe Lindja e Mesme do të stimulojë aderimin në Shengen, nuk u justifikuan. Doli se rruga e Bullgarisë dhe Rumanisë drejt hapësirës për lëvizje të lirë të njerëzve është vështirësuar nga shumë faktorë të brendshëm dhe të jashtëm, por megjithatë duart e Shengenit mbeten të hapura.

Përgatiti në shqip: Vesella Mançeva

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Aderimi i Bullgarisë me Hapësirën e Shengenit – pritje dhe realitete

Më shumë nga rubrika

Protesta para Teatrit Popullor “Ivan Vazov” u kthye në trazira para premierës së pjesës “Armët dhe njeriu”

Një ekspeditë polare bullgare eksploroi Kontinentin e Akullit për herë të 33-të

Antarktida është motori i ndryshimeve klimatike

Pse disa nga rrugët e Pragës mbajnë emrat e iluministëve bullgarë?

WWF Bullgaria i kushton vëmendje mbrojtjes së arinjve