Maratona me biçikleta “Bullgari 2011”

botuar më 11-04-29 9.17.PD

Foto: factor-foundation.org

Çdo ditë ne kalojmë pranë natyrës dhe sikur e shikojmë në pasqyrën e një jete paralele, e cila na tërheq me dinamikën e saj dhe ndërkohë nuk na lejon që të jemi një pjesë e saj. Gradualisht natyra bëhet një pamje e bukur, së cilës ne nuk i kushtojmë vëmendje të mjaftueshme. Udhëtojmë në hapësirën e kufizuar të mjeteve të transportit, të mbyllur në vetvete dhe nuk shohim se sa i bukur është peizazhi rreth nesh. Po të kapësh bukurinë e natyrës, do të thotë ta prekësh, të ndiesh erën e saj, të dëgjosh tingujt e saj, të të pushojë tërësisht. Si të ndodhë kjo në jetën tonë të përditshme, në të cilën koha është e kufizuar dhe secili ngutet për punën e vet? Udhëtojmë me mjetet e transportit nga e keqja, për të mbërritur në kohë. Ka mundësi që të lirohemi nga kjo varësi, duke ndërruar mënyrën e lëvizjes. Të ecim në këmbë në distanca të shkurtra dhe me biçikletë – në ato të gjata. Në shumë vende ngasja e biçikletës është bërë pjesë e jetës së përditshme, po ashtu edhe një kombinim i mirë i sportit, turizmit dhe mënyrës së jetesës. Pse të mos bëhet kjo në Bullgari?

Pikërisht i tillë është qëllimi i Maratonës së parë amatore me biçikleta “Bullgari 2011”, e cila startoi në fillim të prillit. Rrethi me gjatësi gjithsej 2 500 kl kalon nëpër 28 qendra të rretheve. Pjesëmarrësit ishin afërsisht 30 veta, erdhën nga Rusia, Ukraina, Moldavia dhe Turqia. Në disa vende të itinerarit morën pjesë edhe entuziastë nga rajone të tjera të Bullgarisë. Organizatori dhe udhëheqësi i grupit ishte biçikletisti Vjaçesllav Stojanov. Bullgarët e njohin me nismën e tij të mbledhjes dhe riciklimit të mbeturinave në rrugë, shtretër lumenjsh dhe plazhe.

“Para 5 vjetëve e ndërrova mjetin tim të transportit me biçikletë. E ndjeu veten më aktive, më e shëndetshme dhe më e shkathët. U bëra zot i vetes. Kjo më pëlqeu shumë, sepse kisha mjaft kohë të lirë për veten time në vend të qëndroj me orë të tëra në trafik. Duke udhëtuar nëpër botë, mora informacione shumë të rëndësishme për këtë se në çfarë mënyrë njerëzit popullarizojnë biçikletën si mjet transporti dhe desha kjo të bëhet edhe në Bullgari. Kështu lindi ideja. E bëra këtë maratonë si organizator dhe kryetar i Fondacionit “Faktor”. Me anë të reklamave tërheqim vëmendjen publike për transportin alternativ. Bullgaria nuk është vetëm vendpushim detar dhe i skijimit. Kemi kushte të mira për turizëm me biçikleta. Njerëzit e shikojnë këtë pozitivisht. Duke ngarë biçikletat në grup shoferët na respektojnë në rrugë.”

Maratona me biçikleta është pjesë e Aktivitetit kombëtar të Ministrisë së Mjedisit dhe Ujërave “Dua natyrën – edhe unë marr pjesë”. Nëpërmjet bisedimeve publike në qytete të ndryshme, ku kalon itinerari i maratonës, pjesëmarrësit u drejtojnë të tjerëve mesazhe për mbrojtjen e ajrit, ujit dhe tokës nga ndotja dhe mbeturinat.

Itinerari i Maratonës me biçikleta “Bullgari 2011”

“Kemi për qëllim të inkurajojmë bashkitë që të marrin pjesë në projekte evropiane për krijimin e kushteve shëndetësore në vendet përkatëse. Inkurajojmë edhe vetë njerëzit që të bëjnë turizëm me biçikleta. Kjo është njëra prej mundësive të mira, në sajë të së cilës mund të tërhiqet vëmendja e turistëve të huaj që të vizitojnë Bullgarinë. Vendi ynë është i vogël dhe i bukur dhe të gjithë ne krenohemi se jetojmë këtu. Do të donim të tregonim se nuk është aq e vështirë të përdorësh trupin si mjet transporti. Prej njerëzve, që udhëtojnë me ne, ka 5-6 veta 60 vjeç, dhe më i moshuari është 67 vjeç. Një vizitë mjekësore tregoi se tensioni i tij është si i adoleshentit dhe e gjitha kjo në sajë të mënyrës aktive të jetesës. Natyrisht ai e ndien veten si adoleshent. Prandaj dua t’u them njerëzve se shëndeti është lëvizje. Ne jetojmë, mendojmë dhe veprojmë në mënyrë të shëndetshme.”

Përgatiti në shqip: Anna Kapitanova

По публикацията работи: Darina Grigorova

Последвайте ни и в Google News Showcase, за да научите най-важното от деня!

Ndaje

Maratona me biçikleta “Bullgari 2011”

Më shumë nga rubrika

Tirana njoftoi të dhëna zyrtare të përditësuara për bullgarët në Shqipëri

Gjysma e diabetikëve në Bullgari nuk janë diagnostikuar dhe konsiderohen të shëndetshëm

Si do të ndikojë zgjedhja e Donald Trump në Evropë dhe në siguri, në mbrojtje dhe ekonomi?

Elegjia për Krahinat Perëndimore tingëllon si një requiem

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?