Sipas investitorëve gjermanë mjedisi ekonomik në Bullgari është i kënaqshëm

botuar më 11-04-06 12.54.MD

Në Dhomën tregtaro-industriale gjermano-bullgare bëjnë pjesë më se 450 firma, vuri në dukje kryetari i saj Mitko Vasilev

Foto: Архив

Bullgaria llogariti një rritje të konsiderueshme të shkëmbimit të mallrave me Gjermaninë gjatë vitit të kaluar, i cili ka arritur 3,9 miliardë euro. Gjatë vitit 2010 eksporti i prodhimit bullgar për Republikën Federative është rritur me rreth 22 për qind. Importi gjerman është rritur me më shumë se 33 për qind. Këtë e konstaton Dhoma tregtaro-industriale gjermano-bullgare, e cila dje shpalli rezultatet e anketës së saj tradicionale për vlerësim të mjedisit të biznesit në Bullgari. Anketa u zhvillua gjatë muajit të kaluar ndër 68 firma të mëdha gjermane dhe bullgare në vend.

“Vlerësimi i gjendjes së tanishme ekonomike është i kënaqshëm”, i përgjithësoi rezultatet kryetari i Dhomës tregtaro-industriale gjermano-bullgare Mitko Vasilev. “52 për qind e të anketuarve thonë se situata është e kënaqshme, 10 për qind deklarojnë se ajo është e mirë, kurse për 37 për qind prej të anketuarve ajo është e keqe. Në Bullgari ende nuk mund të themi se kemi dalë nga kriza, megjithëse ka disa sinjale, sipas të cilave duhet të jemi optimistë.”

Megjithë këtë vlerësim jo shumë të mirë për mjedisin e biznesit në Bullgari tani për tani menaxherët e anketuar bullgarë dhe gjermanë presin që gjatë këtij viti të ketë përmirësim të kushteve ekonomike.

“Përfundimi kryesor i kësaj ankete është se në përgjithësi ka më shumë sinjale pozitive – komentoi Mitko Vasilev. “Firmat bullgare dhe gjermane – pjesëmarrëse në këtë anketë, presin më shumë vende pune, më shumë investime dhe një xhiro më të madhe të veprimtarisë së tyre. Rreth 42 për qind e të gjitha firmave mendojnë se ka përmirësim të kushteve ekonomike dhe kanë në plan të rritin numrin e nëpunësve të tyre. Afro një e treta prej të anketuarve do të investojnë që këtë vit. Më optimiste janë prognozat për xhiron – 58,2 për qind mund të lavdërohen me një rritje të pritur të shitjeve.”

Në anketë ka gjithashtu vlerësim të filmave për kriteret e rëndësishme për marrjen e vendimeve për investim në Bullgari. Për investitorët nga Gjermania përparësi të padyshimta të vendit janë tatimet e ulëta, kualifikimi i mirë dhe në të njëjtën kohë pagimi i ulët i krahut të punës në krahasim me vende të tjera anëtare të BE-së. Mirëpo me rëndësi për pjesëmarrjen e investitorëve gjermanë në tregun gjerman është luftimi i suksesshëm i korrupsionit, sigurimi juridik dhe infrastruktura e mirë. Pikërisht këto tri fusha, si dhe administrimi jo i mirë në një sërë strukturash vendore dhe shtetërore janë të metat e Bullgarisë. Një fakt interesant është se ky vlerësim nuk është ndryshuar nga viti 2005, kur u zhvillua për herë të parë anketa e Dhomës tregtaro-industriale gjermano-bullgare. Mitko Vasilev e përgjithësoi vlerësimin e këtyre kritereve ndaj momentit të tanishëm sipas të dhënave të anketës së zhvilluar:

“Është shumë i mirë vlerësimi i peshës tatimore, bëhet fjalë për tatimin e sheshtë prej 10 për qind, që u aplikua. Mirëpo vlerësimi i sistemit fiskal në përgjithësi nuk është i kënaqshëm. – shënon Mitko Vasilev. – Sa i përket stabilitetit politik dhe juridik situata e tanishme nuk është vlerësuar si shumë e mirë, kurse sigurimi juridik është vlerësuar si i kënaqshëm.”

Në Dhomën tregtaro-industriale gjermano-bullgare bëjnë pjesë më se 450 firma me gjithsej 50 000 vende të hapura pune, që e bën dhomën më të madhe dypalëshe të tregtisë së jashtme në Bullgari. Ajo është partneri kryesor i firmave gjermane, të cilat kërkojnë në Bullgari tregje të reja. Deri tani Dhoma tregtaro-industriale gjermano-bullgare shërben investitorë në sferat e industrisë tekstile, burimeve ripërtëritëse energjetike etj.

Përgatiti në shqip: Vesella Mançeva
Fotografia është ofruar nga Dhoma tregtaro-industriale gjermano-bullgare

По публикацията работи: Vesella Vlladkova

Последвайте ни и в Google News Showcase, за да научите най-важното от деня!

Ndaje

Sipas investitorëve gjermanë mjedisi ekonomik në Bullgari është i kënaqshëm

Më shumë nga rubrika

Bullgaria është ndër të parat në BE përsa i përket regjistrimeve të makinave të reja

Lëvizje në ekonominë bullgare, por në mënyrë të pabarabartë në fusha të ndryshme

Niveli i papunësisë në Bullgari është ruajtur edhe në tetor