Viti 2011 – Viti botëror i pyllit

botuar më 11-01-06 12.56.MD

OKB-ja e shpalli vitin 2011 Vit botëror të pyllit me qëllim të rritet informimi dhe angazhimi i shoqërisë me ruajtjen e kësaj pasurie të madhe të planetit. Motoja e fushatës “Pyll për njerëzit” thekson rëndësinë e madhe të pyjeve për të ardhmen e planetit dhe njerëzimit. Pyjet u japin strehë njerëzve dhe kafshëve, ruajnë shumëllojshmërinë biologjike, janë burim i ujit, ajrit të pastër, ushqimit, barnave mjekësore. Të mos harrojmë rëndësinë e tyre të madhe për formimin e klimës së planetit dhe aftësinë e tyre “të gëlltitin” dyoksidin karbonik – një nga faktorët për ngrohjen globale. E gjithë kjo mund të shihet në shenjën grafike të Vitit botëror të pyllit: http://www.un.org/en/events/iyof2011/logo.shtml/

Në Bullgari pyjet zënë një të tretën e territorit kombëtar dhe janë ndër më të ruajturat në Evropë. Rrjeti rrugor ende nuk ka hyrë në thellësi të maleve tona dhe Bullgaria është ndër pak vendet, ku mund të shihen pyje të virgjëra. Një shans i madh dhe për shkencën, e cila mund të studiojë kënde, ku nuk ka ecur këmbë njeriu.

Për ruajtjen e mirë të pyjeve bullgare flet fakti se në to mund të ndeshet ari ose ujk – bisha të mëdha që tashmë janë të rralla në Evropë. Një fakt interesant është se madje në malin Vitosha afër kryeqytetit Sofje ende ka arinj, megjithëse numri i tyre pakësohet dalëngadalë. Është e madhe shumëllojshmëria e kafshëve të egra të tjera, zogjve, fluturave, zvarranikëve në pyjet bullgare. Si edhe e botës bimore. Nuk është i rastit fakti se Bullgaria është ndër eksportuesit më të mëdhenj të barnave mjekësore. Malet tona të larta ofrojnë një pamje madhështore drurësh halorë. Kurse shumëllojshmëria e drurëve gjethorë mund të vlerësohet më mirë gjatë vjeshtës me nuancat e pafund të gjetheve të tyre. Në udhëkryqin e disa zonave biogjeografike, në pyjet bullgare mund të shihni si lloje alpine drurësh në malet Rilla, Pirin dhe Stara planina, ashtu edhe lloje mesdhetare në malin Stranxha në jug.

Një pjesë e madhe e pyjeve bullgare janë përfshirë në rrjetin e territoreve të mbrojtura që është garanci për ruajtjen e tyre. Le të shpresojmë se do të ndalet ndërhyrja arrogante e sipërmarrësve në fushën e ndërtimit madje në territoret e mbrojtura. Mbrojtësit e natyrës dhe sipërmarrësit ende luftojnë në disa pika të nxehta në malet Rilla, Pirin dhe Vitosha për shkak të planeve për ndërtim të vendpushimeve të mëdha në zona të mbrojtura. Një kërcënim tjetër për pyjet bullgare është gjuetia pa leje. Shpresat janë se Ligji i ri për pyjet do të kontribuojë për zgjidhjen e këtij problemi.

Përgatiti në shqip: Ekaterina Tarpomanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Viti 2011 – Viti botëror i pyllit

Më shumë nga rubrika

Bullgarët e vetëshpallur në Maqedoninë e Veriut janë shumë më tepër se ata të regjistruar

Si do të ndikojë në BE rezultati i zgjedhjeve presidenciale në SHBA

Nënpresidentja Ilijana Jotova hapi një ekspozitë për Trakinë e lashtë në Muzeun Getty

Chat-i bullgar me inteligjencën artificiale BgGPT mund të shfrytëzohet falas nga të gjithë

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj