Pse standardi i jetës së bullgarit dallohet nga standardi i evropianit. Ekspertët e Institutit të Ekonomisë së Tregut GfK evidentuan, se aftësia blerëse e bullgarëve për vit është 2681 euro për frymë të popullsisë, përderisa për evropianët ajo është 14202 euro. Si rezultat i krizës ekonomike dhe financiare tregjet evropiane u stagnuan. Megjithatë në vendet anëtare të BE-së u regjistrua rritja e konsumimit me 2 për qind. Tendencat në Bullgari nuk janë të tilla. Gjatë këtij viti konsumimi u ul me afro 8 për qind. Sipas të dhënave të studimit, Lihtenshtajni është vendi, ku standardi i jetesës është më i lartë, ndërsa aftësia blerëse e popullsisë atje është përafërsisht 50 mijë euro për vit. Në treshen e parë janë edhe Zvicra dhe Luksemburgu. Bullgaria vështirë mund të radhitet ndër liderët në Evropë, ku ka tradita shumëvjeçare në ekonominë e tregut. Shteti ynë zë vendin e 37-të në klasifikimin e përgjithshëm për BE-në dhe për shtetet e tjera të kontinentit të vjetër.
Duke folur për uljen e konsumimit, duhet të theksojmë, se Bullgaria nuk është shteti i vetëm, i cili regjistroi kufizim në kërkimin e brendshëm të mallrave dhe shërbimeve. Tendenca të tilla u regjistruan edhe në vendet me ekonomi të zhvilluara – duke filluar me liderët Lihtenshtajn dhe Zvicër, duke kaluar përmes shteteve si Gjermania, Italia, Spanja dhe duke përfunduar me vendet anëtare të reja të BE-së si Rumania, Lituania, Letonia, Sllovakia. Analizat e Institutit të Ekonomisë së Tregut nuk dallohen nga studimet e Institutit Evropian Sociologjik. Sipas të dhënave të Evrostatit, bullgari merr më pak se gjysma e të ardhurve të evropianit mesatar.
Një lajm qetësues për bullgarët përbëjnë analizat statistikore të Evrostatit. Sipas tyre, Bullgaria radhitet në një nga vendet e para në mbarë BE-në me çmimet më të ulëtat të produkteve ushqimore dhe të pijeve. Kjo në një shkallë balancon të ardhurat e ulëta të popullsisë. Statistika tregon, se çmimi i mishit, bukës, cigareve dhe alkoolit – janë më të ulëtat në krahasim me vendet e tjera të BE-së. Megjithatë çmimet në Bullgari rriten gradualisht. Statistika evropiane pret, që gjatë këtij viti inflacioni të arrijë 2-3 për qind.
Cilat janë pasojat për ekonominë bullgare nga aftësia e dobët blerëse e bullgarit? Në radhë të parë kjo provokon pezullim të konsumimit të brendshëm. Sa më shumë kufizohet konsumimi, aq më shumë kjo ndikon mbi biznesin, i cili nuk mund të realizojë prodhimin e vet. Pasi nuk mund të shesin mallrat dhe shërbimet e veta, sipërmarrësit kufizojnë shpenzimet dhe prodhimin. Si rezultat ata shkurtojnë vendet e punës. Të ardhurat e ulëta të popullsisë ndikojnë mbi mallrat e prodhuara për konsumim të gjerë. Pasi ato nuk mund të shiten, prodhuesit kufizojnë prodhimin. Kështu mbyllet një rreth magjik. Si rezultat i kërkimit të ulur, çmimet e disa mallrave dhe shërbimeve fillojnë të rriten, që të rikthehen mjetet e investuara për prodhimin e tyre. Kështu formohet një rreth i dytë, i cili provokon inflacionin. Një indikator tjetër për aftësinë e dobët blerëse të bullgarit është frika për të ardhmen. Pasiguria dhe mungesa e besimit provokojnë bullgarët të bëjnë kursime. Në këtë mënyrë kërkohet një siguri. Dhe një vërtetim për këtë është numri rekord i depozitimeve në miliona brenda vitit të fundit në Bullgari.
Përgatiti në shqip: Svetllana Dimitrova
Organizata për Bashkëpunim dhe Zhvillim Ekonomik (OECD) parashikon një përshpejtim të rritjes ekonomike të Bullgarisë nga 1.8% në 2023 në 2.5% në 2024 dhe në 2.9% në 2025, sepse investimet e qeverisë po rriten, së bashku me fondet e BE-së. Organizata..
Për të jetuar normalisht një punëtor në Bullgari nevojiten 1454 leva /743.42 euro/. Këtë e tregojnë të dhënat e Konfederatës së Sindikatave të Pavarura /KNSB/ për tremujorin e fundit. Mbajtja e një familjeje prej tre anëtarësh (dy punëtorë dhe një..
Në botën moderne nuk mjafton të njohësh njësitë monetare të vendeve të veçanta dhe të dish se si monedhat e tyre lidhen me levin bullgar. Konvertimi i levit në euro dhe anasjelltas nuk i zgjidh problemet tona financiare për një kohë të gjatë dhe nuk..
Banka Kombëtare Bullgare (BNB) njoftoi se do të ulë normën kryesore të interesit në 3.63 për qind nga 1 korriku. Në maj dhe qershor, norma e..