Java e arkitekturës në Sofje

botuar më 10-10-29 1.16.MD

Prezantimet e hapura në kuadrin e edicionit të tretë të Javës së arkitekturës u zhvilluan në godinën e Banjës së vjetër të Sofjes

Foto: Maria Peeva

AUDIO

Update Required To play the media you will need to either update your browser to a recent version or update your Flash plugin.

Nga data 16 deri më 22 tetor kryeqyteti bullgar ishte mikpritës i edicionit të tretë të festivalit ndërkombëtar për arkitekturën e sotme “Java e arkitekturës në Sofje” (Sofia Architecture Week 2010). Gjatë kohës së tij arkitektë, dizajnerë dhe projektues nga vende të ndryshme evropiane kishin mundësi të diskutojnë probleme aktuale rreth temës “Ne në periferi”. Java e arkitekturës organizohet nga revista “Një” me qëllim të bëhet një platformë për ide dhe një vend takimesh për njerëz të angazhuar me problemet e mjedisit dhe qytetit, si edhe ta ndryshojë mendimin se arkitektura është diçka që ndodhet jashtë njerëzve.

Edicioni i sivjetshëm ishte ndarë në dy pjesë – forum dhe prezantime të hapura. Në kuadrin e forumit u zhvillua një konferencë dyditore ndërkombëtare me arkitektë dhe kritikë të njohur. Ata prezantuan punën dhe projektet e tyre të fundit. Ndër temat e diskutimit ishin arkitektura e sotme, shfrytëzimi i ndërtesave nga periudha e komunizmit, zhvillimi i qytetit, mundësitë për financim të projekteve të mëdha, ndërtime me forma dhe materiale të reja etj.

Anila Gjika paraqiti projektet e organizatës “Co-PLAN”

Pjesa e dytë e festivalit “Java e arkitekturës në Sofje” u mbajt në godinën e Banjës së vjetër të kryeqytetit, në të cilën u zhvilluan prezantime, ekspozita dhe diskutime mbi temën “Periferia është atje, ku unë nuk jam”. Qëllimi i tyre ishte ndryshimi i konceptit “periferi” në kuptimin social dhe gjeografik. Theksi i programit ishin prezantimet e projekteve të arkitekturës nga Estonia, Shqipëria, Rumania, Turqia dhe Amerika Latine. Publiku u njoh me strategji të suksesshme për integrim të strukturave joformale, që u ndërtuan në periferitë e qyteteve të mëdha gjatë viteve të fundit.

Zhvillimi i arkitekturës së re në Shqipëri ishte prezantuar nga organizata jofitimprurëse “Co-PLAN” dhe studioja e arkitekturës AGENCY. Për të dëgjuar mendimet e përfaqësuesve të këtyre organizatave Anila Gjika dhe Ersela Kripa për projektet e tyre të fundit klikoni AUDIO.

Ersela Kripa dhe Stephen Mueller – themelues të studios së arkitekturës AGENCY prezantuan projektin e tyre “Estetika në shërbim të kombit” (Nation Building Aesthetics)

По публикацията работи: Maria Peeva

Последвайте ни и в Google News Showcase, за да научите най-важното от деня!

Ndaje

Java e arkitekturës në Sofje

Më shumë nga rubrika

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së

Rajonet ku jetojnë bullgarë në Shqipëri është e nevojshme të kenë autonomi administrative

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së