Efikasiteti i legjislacionit bullgar

botuar më 10-10-15 12.08.MD

Foto: arkiv

Çdo një ligj në Bullgari ndryshohet mesatarisht dy herë në vit dhe është në fuqi rreth 9 vjet. Ky është përfundimi i një analize të bërë nga Qendra për Studime Juridike. Analiza është bërë për periudhën janar – qershor 2010. Gjatë këtyre 6 muajve Parlamenti bullgar ka miratuar 71 akte legjislative – 6 ligje të reja, 43 ligje për ndryshim dhe shtesë të 39 ligjeve të vjetra. Ligjet në Bullgari ndryshohen në mënyrë intensive dhe kjo është shkak për paqëndrueshmërinë e bazës normative. Kjo e pakëson besimin në punën e Parlamentit dhe provokon dyshime për cilësinë e ligjeve – është përfundimi i drejtorit të projektit docent Daniell Vëllçev – profesor në Fakultetin Juridik të Universitetit të Sofjes “Shën Kliment Ohridski”, ish deputet, dhe ish ministër i arsimit dhe shkencës në qeverinë e mëparshme të Sergej Stanishevit (2005-2009).

“Një shembull shumë tipik është Ligji për Mbrojtjen dhe Forcat e Armatosura, tha para mikrofonit të Radio Bullgarisë Daniell Vëllçev. Ai është miratuar gjatë majit të vitit 2009 dhe prej shtatorit të të njëjtit viti deri në shkurtin e këtij viti ka 5 ndryshime dhe shtesa. Nuk kuptoj çfarë ndodhet në fushën e mbrojtjes dhe forcave të armatosura për të pasur nevojë për ndryshime aq të shpeshta. Një ligj i tillë është Ligji për Radion dhe Televizionin, i cili vetëm për 6 muajit e parë të këtij viti është ndryshuar 4 herë.”

Për këtë periudhë gjashtëmujore dinamika e ndryshimeve të 39 ligjeve të studiuara është e madhe. Që prej hyrjes së tyre në fuqi ato janë ndryshuar në përgjithësi 777 herë, domethënë 20 herë çdo një prej tyre.
“Lideri në këtë kuptim është Ligji për shëndetin – një ligj shumë i rëndësishëm për të gjithë qytetarët bullgarë, i cili është miratuar në vitin 2005, deri tani ka 35 ndryshime dhe shtesa, domethënë është ndryshuar 7 herë në vit. Për këtë arsye situata në shëndetësinë bullgare është aq e keqe.”

Aktualisht flitet shpesh për skandale me prona të patundshme të ndërtuara mbi tokë shtetërore dhe të gjithë bullgarët jemi shumë të habitur - shtoi Daniell Vëllçevi.
“Mirëpo prej çfarë jemi aq të habitur? Ligji për planifikimin e territoreve është në fuqi prej vitit 2001 dhe derti tani është ndryshuar 44 herë, domethënë nja 5 herë çdo vit. Njerëzit, të cilët i shkelin ligjet dinë se ligjet ndryshohen shpesh dhe presin që ato të ndryshohen në favor të tyre.

Një studim i agjencisë MBMD me porosi të Qendrës së nismave juridike, i bërë në mesin e shtatorit tregon se bullgari e cilëson sistemin legjislative me notën 3 sipas shkalës me 6 pika. 50% të të anketuarve janë kategorikë se ndryshimi i shpeshtë është pika më e dobët e legjislacionit bullgar dhe fajtori për këtë është Parlamenti.

Përgatiti në shqip: Jordanka Ivanova

По публикацията работи: Iliana Rajçeva

Последвайте ни и в Google News Showcase, за да научите най-важното от деня!

Ndaje

Efikasiteti i legjislacionit bullgar

Më shumë nga rubrika

Në moshën 89-vjeçare, Angell Kurtellov, trashëgimtar i vëllezërve Milladinovi, votoi në Ohër

Banorët e Sofjes janë skeptikë se do të ketë një ndryshim pas zgjedhjeve të radhës

“Voto me vështirësi” për të verbërit

WWF - Bullgaria nis fushatën e donacioneve "Abonohu për natyrën"

Antarktida është motori i ndryshimeve klimatike