Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Gjurma bullgare në tragjedinë “Titanik” tërheq turistë në malin Stara Planina

Shtëpia e bullgarit Kaljo Nenov, i cili u shpëtua nga anija “Titanik”, tani u kthye në hotel.
Foto: Veneta Nikollova
Fshati Beli Osëm që ndodhet afër qytetit Trojan tërheq turistë me natyrën e bukur, zanatet e ruajtura dhe gjellët e shijshme. Por pak njerëz e dinë se fshati i fshehur në gjirin e malit Stara Planina ka një lidhje të veçantë me një tragjedi që e tronditi botën në fillim të shekullit XX. Bëhet fjalë për anijembytjen më të madhe në histori – mbytjen e “Titanikut”. Në bordin e anijes kishte dhe pasagjerë bullgarë nga krahina e Trojanit. Një prej tyre u shpëtua mrekullisht dhe pas disa vitesh u kthye në fshatin e tij për të ndërtuar një shtëpi madhështore. Sot shtëpia e tij është një kompleks etnografik dhe secili që dëshiron mund të marrë një dhomë me qira dhe të mbetet atje disa ditë.

“Zbuloni botën e re!”, “Nisuni për në Amerikë – djepi i mirëqenies” – këto afishe që u dukën nëpër vendbanimet në krahinën e Trojanit në vitin 1912 ndryshuan fatin e
Kaljo Nenov

dhjetëra bashkatdhetarëve tanë. Në radhën e gjatë para zyrës së agjencisë turistike ishte dhe Kaljo Nenov, 16 vjeçar. Në duart e tij ai mbante një qese të vogël me 30 verdhushka – kaq kushtonte bileta për udhëtimin e ëndërruar për në Amerikë. Bashkë me 50 bashkatdhetarë Kaljo u nis për në portin anglez Southampton, ku duhej hipur në bordin e anijes “Titanik”. “Njerëzit nga krahina e Trojanit kishin një shpirt aventurier. Prandaj shumë u nisën në këtë udhëtim përtej oqeanit për të kërkuar lumturi ose për të fituar para” – tregon Cvetan Dimitrov, pronar i kompleksit etnografik “Brokat” në fshatin Beli Osëm. Por jo të gjithë bullgarët që blenë bileta hipën në bordin e anijes fatale. Mbrëmjen para nisjes, të pushtuar nga euforia, disa prej tyre u dehën shumë dhe kështu u shpëtuan nga vdekja në ujërat e ftohta të oqeanit. Të tjerë, siç heroi ynë, vendosën ta shitnin biletën për një shumë të madhe dhe të udhëtojnë me anijen tjetër drejt Botës së re. Supozohet se të gjithë 40 bullgarët që udhëtonin në klasën e tretë, gjetën vdekjen e tyre në bordin e anijes.

“Ndër ta 7 veta ishin nga fshati fqinj Gumoshtnik – tregon Cvetan Dimitrov. – Tani atje ka një monument në nder të tyre dhe ne shpesh i çojmë turistët atje. Vdiqën dhe dy veta nga fshati i afërt Sennik, kurse një mbijetoi. Por më shumë viktima – 11, dha fshati Sadovec që ndodhet afër qytetit Pleven. Kur “Titaniku” u fundos, shumë nga bashkatdhetarët tanë që i kishin shitur biletat e tyre, nuk u nisën për në Amerikë. Por jo dhe Kaljo! Ai u nis dhe mbeti atje 9 vjet.”

Në Botën e re heroi ynë punonte si zdrukthëtar dhe murator, fitoi dhe shumë para në kumar dhe gjatë vitit 1921 u kthye në fshatin Beli Osëm, ku ndërtoi një shtëpi të madhe afër shtëpisë së prindërve të tij. Njerëzit nga fshati e kujtojnë deri më sot jo vetëm për pasurin e tij të madhe, por dhe për zemrën e tij bujare. “Kur i blemë dy shtëpitë për të bërë një hotel familjar, nuk e dinim këtë histori emocionuese, derisa nuk zbatuam një valixhe të vjetër me mbishkrimin “Varna – Nju Jork”. Në të gjetëm fotografi unike, dokumente dhe letra” – rrëfen Cvetan Dimitrov. Pronarët e rinj vendosën të ruajnë stilin e vjetër të shtëpive, kurse në njërën prej tyre vendosën një koleksion që ndjek jetën e Kaljos.

Shumë turistë janë të mahnitur nga hoteli dhe vijnë çdo verë. “Interesohen shumë për gjurmën bullgare në tragjedinë “Titanik”, pyesin për hollësira, shikojnë fotografitë e Kaljos, lexojnë letrat e tij. Pra, kjo histori interesante u bë një atraksion i madh turistik” – thotë Cvetan Dimitrov. Sipas tij shpirti i Kaljos ende ndodhet në këtë shtëpi, duke rikujtuar për një bullgar që guxoi të realizonte ëndrrat e tij.

Përgatiti në shqip: Ekaterina Tarpomanova

По публикацията работи: Veneta Nikollova


Последвайте ни и в Google News Showcase, за да научите най-важното от деня!

Më shumë nga rubrika

Kryeasistenti Radosllav Jordanov: Nuk ka asnjë mënyrë për ta njohur Danubin nëse nuk "zhyteni" në të

Pushimet mund të jenë të paharrueshme jo vetëm buzë detit, ose në mal, por edhe me një shëtitje në plazhet e egra të Danubit. Secili nga qytetet përgjatë brigjeve të lumit të madh na jep mundësi që të shtrijmë një ombrellë dhe të shkelim në rërat..

botuar më 24-09-29 6.15.PD

Me një ekspozitë blogerët e udhëtimit na ftojnë që të njohim qoshet më magnetike të atdheut

"Bullgaria - magnetike dhe e bukur" - me këtë titull, blogerët bullgarë të udhëtimit prezantojnë disa nga vendet më magnetike në vendin tonë. Ekspozita me fotografi unike të realizuara nga udhëtarët mund të shihet në hyrjen e Kopshtit Detar në Varna..

botuar më 24-09-28 8.35.PD

Udhëto ngadalë, pusho aktivisht apo se si turizmi rural në vendin tonë hyri në një fazë të re

Turizmi rural po bëhet një formë e preferuar rekreacioni, veçanërisht ndër familjet dhe të rinjtë që zgjedhin një mënyrë jetese miqësore me mjedisin dhe duan të minimizojnë gjurmën e tyre të karbonit. Dhe nëse disa vite më parë një pushim në fshat..

botuar më 24-09-23 9.25.PD