Ekonomia bullgare është duke kapërcyer krizën

botuar më 10-05-04 12.50.MD

Kryetari i Qendrës së Zhvillimit Ekonomi Georgi Proharski

Foto: Tanja Harizanova

Sipas kryetarit të Qendrës së Zhvillimit Ekonomi Georgi Proharski, ekonomia bullgare është duke kapërcyer krizën. Parashikimet e ekonomistëve tregojnë, se me gjithë rënien e pritur gjatë gjysmës së parë, Bullgaria do të përfundojë vitin me rritje ekonomike nga 1 për qind. Që nga fillimi i vitit u shfaqën sinjalet e para, se ekonomia bullgare kapërcen momentet më të rënda të krizës dhe kërkon mundësi për dalje. Analizuesit tregojnë dy faktorë për përballimin e situatës së rëndë. Njeri është stabilizimi i ekonomisë së BE-së, tjetri janë masat e ndërmarra kundër krizës nga të gjitha subjektet ekonomike brenda në vend. Qendra e Zhvillimit Ekonomik regjistroi tregues të mirë për muajin prill. Dinamika e re në ekonominë bullgare i detyrohet kryesisht rritjes së eksportit. Dhe në se deri në vitin e kaluar eksporti kryesor i Bullgarisë ishte për vendet e BE-së dhe arrinte 64 për qind, nga fillimi i vitit 2010 shihet një pasurim i tregjeve. Vetëm për dy muajit e parë eksporti për vendet e treta u rrit me 40 për qind. Rritja e pritur e tregtisë botërore me 10 për qind gjatë këtij viti do të ndikojë në mënyrë të favorshme edhe mbi ekonominë bullgare. Lidhur me këtë Georgi Proharski shpjegon:

“Vendi filloi të dalë nga kriza. Mirëpo krahas kësaj shihen shenje për një krizë strukturore në ekonominë bullgare, gjë që nuk do të lejojë rritje. Kjo krizë arsyetohet nga struktura e ekonomisë bullgare, sidomos nga industria e saj. Krahas kësaj ka edhe probleme lidhura me biznes-klimën në vend dhe me një sërë çështjesh të pazgjidhura në tërheqjen e investimeve të huaja. Rritja ekonomike para disa vitesh realizohej kryesisht nga kontrata me pronën e paluajtshme dhe nga ndërtimi. Investimet private gjithashtu ishin në këtë drejtim. Tani një sfidë e madhe para ekonomisë bullgare është zhvillimi i prodhimit industrial, biznesi të gjejë prodhime dhe partneritete me kompani të huaja, të cilat të japin mundësi për rritjen ekonomike. Duhet të zhvillohet një politikë më agresive në fushën e inovacioneve me përkrahjen e hallkave të reja të ekonomisë, që mund të sigurojnë rritje.”

Për dy muajit e parë të vitit 2010 investimet e huaja në Bullgari përbëjnë 28 milion euro, gjë që është rezultati më i keq deri tashti. Shkaku janë projektet e vjetra dhe të reja të investimit që nuk u realizuan. Qendra e Zhvillimit Ekonomik parashikon, se deri në fund të këtij viti investimet e huaja të arrijnë afro 2.5 miliard euro. Inflacioni për tremujorin e parë është 1.4 për qind, ndërsa papunësia është nën 10 për qind. Lidhur me idenë e diskutuar për rritjen e tatimit të tërthortë, zoti Proharski komentoi, se kjo do të rritë inflacionin dhe do të ushtrojë presion suplementar mbi biznesin, do të kufizojë konsumimin dhe rritja do të jetë minimale. Sipas zotit Proharski buxheti do të balancohet, por rritje ekonomike nuk mund të realizohet. Sipas tij në vend duhet të shfrytëzohet euroja në mënyrë të plotë vlefshme. Lidhur me këtë ai thekson:

“Vënia e euros në shfrytëzim duhet të bëhet një nga detyrat kryesore të qeverisë. Prandaj duhet të kemi një deficit minimal brenda vitit dhe kushte minimale për inflacion. Ne jemi kundër balancimit të buxhetit nëpërmjet rritjes së tatimeve. Për arritjen e një deficiti të ulët duhet të kufizohen shpenzimet. Tendencat negative në të ardhurat vazhdojnë dhe në mesin e vitit buxheti duhet të korrigjohet me kufizimin e shpenzimeve. Rritja e tatimeve nuk mund të zgjidhë problemin. Nuk është e domosdoshme të bëhen shpenzime mbi bazë të borxheve. Bullgaria duhet të mbajë një përqindje të ulëta të kamatave, gjë që do të ndihmojë vënien e euros në qarkullim. Kjo është detyrë e dorës së parë të Bullgarisë.”

Përgatiti në shqip: Svetllana Dimitrova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Ekonomia bullgare është duke kapërcyer krizën

Më shumë nga rubrika

Pas përditësimit të të dhënave, PBB-ja e Bullgarisë për vitin 2023 po rritet

Bullgaria është e 52-ta në mesin e 165 vendeve për sa i përket lirisë ekonomike

Statistikat tregojnë një rënie të mprehtë të inflacionit vjetor në vend

Pas përditësimit të të dhënave, PBB-ja e Bullgarisë për vitin 2023 po rritet