Po shtohet numri i rasteve të aksesit të pareglamentuar në informacion të klasifikuar në Bullgari

botuar më 10-03-24 11.59.PD

“Gjatë vitit të kaluar janë konstatuar 35 raste të aksesit të pareglamentuar, që është një fakt shqetësues në sfondin e 9 rasteve gjatë vitit 2008 – tha kryetarja e Komisionit Shtetëror për Sigurinë e Informacionit Cveta Markova

Foto: BGNES

I krijuar gjatë vitit 2002 si një pjesë e përgatitjes për anëtarësimin e Bullgarisë në NATO dhe BE, Komisioni Shtetëror për Sigurinë e Informacionit duhet të ushtrojë një kontroll civil mbi shërbimet e sigurimit dhe rendit publik për ruajtjen e informacionit të klasifikuar. Komisioni ka lidhur 28 marrëveshje për shkëmbim të informacionit të tillë me shtete të tjera. Ai ka një rol të rëndësishëm në Ballkanin Perëndimor dhe një kontribut të madh për përgatitjen e Shqipërisë dhe Kroacisë për anëtarësim në NATO, si edhe për aderimin e ardhshëm të Malit të Zi në Aleancë. Por raporti i fundit i Komisionit Shtetëror për Sigurinë e Informacionit shënon një tendencë shqetësuese:

“Gjatë vitit të kaluar janë konstatuar 35 raste të aksesit të pareglamentuar, që është një fakt shqetësues në sfondin e 9 rasteve gjatë vitit 2008 – tha kryetarja e komisionit Cveta Markova. – Në parim aksesi i pareglamentuar është lidhur me persona që kanë pasur të drejtën e aksesit në dokumente sekrete në zbatim të detyrës së tyre.”

Bëhet fjalë për katër herë më shumë raste në krahasim me vitin 2008. Kjo rritje mund të ketë lidhje me faktin se gjatë vitit 2009 në Bullgari u zhvilluan zgjedhje parlamentare dhe si zakonisht atëherë përhapen kompromate. Le të rikujtojmë skandalin me skedën e humbur të ish kryeministrit Sergej Stanishev, si edhe thashethemet për një “arkiv sekret privat” të oficerit nga Agjencia Shtetërore e Sigurimit Kombëtar Aleksej Petrov, kundër të cilit po zhvillohet një hetim.

Shkeljet më të shpeshta janë lidhur me humbjen e informacionit. “Afro gjysma e rasteve të aksesit të pareglamentuar janë lidhur me humbjen e informacionit të klasifikuar – sqaron zonja Markova. – Kjo nuk do të thotë asgjësim fizik. Fjala është për një hipotezë, në të cilën është shkelur raportimi i dokumenteve.”

Sipas raportit të Komisioni Shtetëror për Sigurinë e Informacionit nuk ka raste, në të cilat është kërcënuar siguria dhe sovraniteti i shtetit. Sipas zonjës Markova duhet të bëhen përpjekje për ndryshim të parimeve morale dhe etike të personave që kanë akses në informacion të klasifikuar.

“Ky problem nuk ekziston vetëm në Bullgari, ai diskutohet dhe në të gjitha vendet anëtare të NATO-s – tha Cveta Markova. – Nuk bëhet fjalë të vëmë një kamerë që të ndjekë secilin prej nëpunësve që të mos përdorë dokumente sekrete. Duhet të ketë një bindje të brendshme se puna me informacionin e klasifikuar në të vërtetë është lidhur me interesat kombëtarë, me sigurinë dhe sovranitetin e shtetit.”

Përgatiti në shqip: Ekaterina Tarpomanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Po shtohet numri i rasteve të aksesit të pareglamentuar në informacion të klasifikuar në Bullgari

Më shumë nga rubrika

Një ekspeditë polare bullgare eksploroi Kontinentin e Akullit për herë të 33-të

Antarktida është motori i ndryshimeve klimatike

WWF - Bullgaria nis fushatën e donacioneve "Abonohu për natyrën"

Chat-i bullgar me inteligjencën artificiale BgGPT mund të shfrytëzohet falas nga të gjithë

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj