Viti 2010 është kyç për krijimin e sistemeve të monitorimit shoqëror të pushtetit

botuar më 10-02-12 1.44.MD

Ambasadori i Gjermanisë në Bullgaria Matthias Hoepfner (majtas) dhe drejtori i Qendrës për studim të demokracisë d-r Ognjan Shentov.

Foto: BGNES

Qendra për studim të demokracisë dhe fondacioni “Friedrich Ebert” organizuan në Sofje një diskutim për monitorimin dhe vlerësimin e politikës së pushtetit nga ana e shoqërisë. Sipas drejtorit të Qendrës për studim të demokracisë, d-r Ognjan Shentov, tema për qeverisjen transparente është e rëndësishme, sepse është një pjesë e procesit të bashkëveprimit institucional me BE-në dhe është një kusht për marrjen e mjeteve evropiane. Sipas moderatorit të diskutimit Ruslan Stefanov, drejtor i programit ekonomik të Qendrës për studim të demokracisë, viti 2010 është kyç për Bullgarinë, sepse do të bëhen kontrollime nga ana e BE-së, të cilat do të tregojnë deficitin e sistemeve reale të monitorimit shoqëror të pushtetit në vendin tonë.

“Monitorimi dhe vlerësimi i politikave publike në Bullgari ende nuk është një temë e rëndësishme për shoqërinë civile”, është i mendimit ambasadori i Gjermanisë tek ne Matthias Hoepfner, i cili ishte mysafir i diskutimit. Ndërsa në Gjermani dhe në shumicën e vendeve anëtare të BE-së këto janë instrumentet në duart e shoqërisë civile. Sipas tij debati për monitorimin shoqëror është një shenjë politike për aktivizimin e shoqërisë civile në Bullgari. Por ai duhet të përfshijë të gjitha fushat e politikës shtetërore, përfshi respektimin e ligjeve, funksionimin e sistemit gjyqësor. Sipas zotit Hoepfner ndryshimet në Kodin penal dhe Kodin e procedurës penale që po diskutohen në parlamentin bullgar, duhet të garantojnë se për kriminelët do të ketë dënime efektive.

“Ndryshimet në Kodin e procedurës penale janë një test për aftësinë e qeverisë bullgare të kryejë reforma – tha zoti Hoepfner. – Rezultatet do të tregojnë në se strukturat kryesore të shtetit janë në përputhje me standardet evropiane. Nga kjo varet dhe pjekuria e shoqërisë civile.”

“Që ditët e para të qeverisjes sonë ne deklaruam se transparenca do të jetë parimi ynë dhe do të na motivojë të ecim përpara – tha ministri i zhvillimit rajonal Rosen Plevneliev. – Në këtë drejtim kemi jo vetëm ide dhe veprime, por edhe rezultate konkrete. Një masë e tillë konkrete ishte krijimi i Këshillit konsultativ pranë Ministrisë për bashkëpunim dhe kontakt direkt me organizatat joqeveritare, sindikatat, organizatat profesionale në dobi të politikës transparente dhe qytetarëve bullgarë. Ky është vetëm fillimi.”

Sipas drejtores ekzekutive të Bashkimit kombëtar të bashkive, Ginka Çavdarova, bashkitë janë gati për dialog me shoqërinë civile. Buxhetet bashkiake diskutohen publikisht, ka dhe një aktivitet shoqëror për cilësinë e shërbimeve publike. Por ende nuk është mjaft transparent administrimi i pronës bashkiake.

Përgatiti në shqip: Ekaterina Tarpomanova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Viti 2010 është kyç për krijimin e sistemeve të monitorimit shoqëror të pushtetit

Më shumë nga rubrika

Moldavia ka zgjedhur një të ardhme pro-evropiane, por duhet ta çimentojë atë në raundin e dytë të zgjedhjeve presidenciale

Eksploruesit polarë bullgarë dhe francezë tregojnë për sfidat në Antarktidë

Rajna Manxhukova: Dua që lufta të mos ndajë komunitetin bullgar të besarabëve në Ukrainë dhe Moldavi

Pse Sofja është kryeqyteti i përshtatshëm për Tubimin Panortodoks