Bashkitë do të përvetësojnë mjete evropiane nga programi “Lider”

botuar më 10-01-07 12.41.MD

Ministria e Bujqësisë miratoi projektet e 28 bashkive bullgare dhe 4 organizatave joqeveritare, me të cilët ato janë kandidatë për mjete nga programi evropian “Lider”. Ky program krijon mundësi për rimëkëmbjen e rajoneve fshatare të vendit, por nuk janë shumë bashkitë, që e dinë këtë. Programi në fjalë inkurajon rajonet fshatare të kërkojnë mënyra të reja që të bëhen më konkurrues, duke kapërcyer të gjitha sfidat si plakja e popullsisë, cilësia e ulët e shërbimeve, mungesa e mundësive për zënien e krahut të punës. Programi ka për qëllim të kontribuojë për përmirësimin e cilësisë së jetesës në rajonet fshatare jo vetëm të prodhuesve bujqësorë, por edhe të mbarë popullsisë.

Në thelbin e programit “Lider” është ideja e konsolidimit të partneritetit rajonal midis sektorit privat, autoriteteve bashkiake dhe organizatave joqeveritare. Për përvetësimin e mjeteve evropiane nga programi “Lider” formohen grupe iniciatore krahinore. Ata hartojnë strategji për zhvillimin e rajonit përkatës. 28 bashkitë e miratuara nga Ministria e Bujqësisë, paraqitën pikërisht programe strategjike për zhvillim. Programi “Lider” është pjesë e Programit Evropian për Zhvillimin e Rajoneve Fshatare deri në vitin 2013. Shuma falës që lëshohet nga BE për bashkitë fshatare në kuadrin e programit “Lider” është pothuajse 5 milion leva (2,5 milion euro). Ministri i bujqësisë dhe i ushqimeve Mirosllav Najdenov theksoi, para përfaqësuesve të bashkive, se mjetet duhet të përvetësohen në mënyrë transparente dhe shtoi:

“Bullgaria grumbulloi një përvojë të hidhur nga përvetësimi jo korrekt i mjeteve evropiane. Ekziston një praktikë e keqe të privohen bashki nga mjete të Programit për Zhvillimin e Rajoneve Fshatare, për shkak të çrregullimeve konstatuara në programin SAPARD. Kështu që mundësia e siguruar në kuadrin e programit “Lider” duhet të shoqërohet me përgjegjësinë e përvetësimit korrektë të mjeteve.”

Nadezhda Petrova është kryetare e shoqatës së organizatave joqeveritare në qytetin Lom (Bullgari Veriperëndimore). Në bashki hyjnë 10 fshatra, në të cilët papunësia është me përmasa të mëdha. Për këtë shoqatë ky nuk është projekti i parë, me të cilin përpiqet të përmirësohet jeta e njerëzve në rajon. Lidhur me këtë zonja Petrova shpjegon:

“Në kuadrin e projektit të parë, krijuam një qendër të rehabilitimit dhe integrimit social të fëmijëve dhe njerëzve me të meta. Punojmë në fushën e arsimit dhe ambientit rrethues dhe deri tashti realizuam 3 projekte transkufitare me partnerët tanë nga Serbia dhe Rumania. Vjet përfunduam një projekt në kuadrin e Programit Evropian “Kapaciteti administrativ”. Në partneritet me bashkitë, biznesin dhe ekspertët, kemi ndërmend t’u ndihmojmë fshatarëve të interesuar të arrijnë standardet evropiane të prodhimit. Kemi ndërmend t’u japim ndihmë teknike dhe do të krijojmë një strategji të tërësishme të zhvillimit rajonal.”

Përgatiti në shqip: Svetllana Dimitrova

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Bashkitë do të përvetësojnë mjete evropiane nga programi “Lider”

Më shumë nga rubrika

Gjermania, Britania e Madhe dhe Holanda janë destinacionet e preferuara për emigracion nga bullgarët

Kundëradmirali Marcelo Tarapov: Bullgaria dhe Argjentina po zhvillojnë një aktivitet të frytshëm të përbashkët në Antarktidë

Bullgaria bëri ekzaminime parandaluese për bullgarët në fshatin shqiptar Pustec

Antarktida është motori i ndryshimeve klimatike

Protesta para Teatrit Popullor “Ivan Vazov” u kthye në trazira para premierës së pjesës “Armët dhe njeriu”

Një ekspeditë polare bullgare eksploroi Kontinentin e Akullit për herë të 33-të