Bullgaria do të marrë kompensime për Centralin atomik “Kozlloduj”

botuar më 09-11-20 11.47.PD

Foto: arkiv

BE i lëshoi Bullgarisë 300 mln euro kompensime suplementare për mbylljen e 4 blloqeve të vjetra të Centralit atomik “Kozlloduj”. Kësti i parë prej 75 mln eurosh do të jepet në vitin 2010. Pjesa tjetër e shumës do të ndahet në këste të barabarta që do të jepen deri në vitin 2013. Para një muaji Komisioni Evropian propozoi zyrtarisht që Bullgarisë t’i lëshohen kompensime suplementare me të cilat do të financohen demontimi i reaktorëve të mbyllur si edhe projekte për rritjet e efektivitetit energjetik në vendin tonë. Do të rikujtojmë, se për shkak të aderimit të Bullgarisë në BE, vendi ynë mori përsipër angazhimin që t’i mbyllë katër reaktorët e tipit sovjetik dhe për këtë qëllim mori si dëmshpërblim nga KE 550 milionë euro në periudhën e viteve 2005-2009.

Gjatë marsit të këtij viti ish kryeministri Sergej Stanishev iu drejtua zyrtarisht KE me kërkesën për kompensime suplementare. Vendi bullgar shprehu pozitën, se dëmshpërblimi i lëshuar për mbylljen e blloqeve nuk është i mjaftueshëm. Duhet të merret parasysh fakti, se Bullgaria ishte prekur rëndë nga kriza e gazit midis Rusisë dhe Ukrainës gjatë janarit të këtij viti, sepse është në vartësi të madhe prej resurseve energjetike ruse. Çështja për kompensimet ishte shtruar përsëri edhe nga kryeministri i ri Bojko Borisov gjatë vizitave të tij jashtë shtetit. Këto ditë Parlamenti Evropian miratoi shumën prej 300 mln eurosh.

Në fakt Bullgaria nuk është i vetmi vend prej anëtarëve të rinj të BE, që merre kompensime për mbylljen e blloqeve të centralit bërthamor. Raste të tilla ka pasur me Lituanin dhe Sllovakin, të cilat gjithashtu morën mjete nga BE për nxjerrjen nga shfrytëzimi të reaktorëve të vjetër sovjetikë të centraleve atomike “Ignalina” dhe “Bohunice”.

Kompensimet do të derdhen në Fondin ndërkombëtar “Kozlloduj”, që drejtohet nga Banka evropiane për rindërtim dhe zhvillimi, i cili deri tani shpërndante kompensimet prej 550 mln eurosh për mbylljen e reaktorëve. Nga Londra erdhi lajmi, se Fondi monetar ndërkombëtar do të financojë ndërtimin e Depos kombëtare të mbeturinave radioaktive, ku do të investohen 4,2 mln euro. Deri tani ky fond financonte projekte në vlerë prej 513 mln eurosh.

Le të kthehemi 35 vjet mbrapa, kur zyrtarisht u hap Centrali atomik “Kozlloduj”. Atëherë Bullgaria u bë vendi i parë në Evropën Juglindore dhe një prej shteteve të para në botë, që prodhonin energjinë elektrike në bazë të teknologjive bërthamore. Pas mbylljes së 4 blloqeve të vogla atomike, në shfrytëzim mbetën dy reaktorë me nga 1000 megavatë. Me gjithë se kapacitetet u pakësuan, Centrali atomik “Kozlloduj” është prodhuesi më i madh i energjisë elektrike në regjion dhe siguron një të tretën prej energjisë së vendit.

Tashmë 35 vjet Bullgaria është pjesë e “familjes botërore bërthamore” ku bëjnë pjesë 31 shtete me centrale atomike. Vendi ynë nuk ka hequr dorë nga ambiciet e tij për ndërtimin e një centrali të dytë atomik. Pas krizës pritet rritje e ekonomisë dhe kërkimi i energjisë elektrike në rajon do të rritet. Për shkak të problemeve me ngrohjen globale dhe shkarkimin e emisioneve të dëmshme në atmosferë, shumë vende evropiane po rimendojnë politikën e tyre ndaj energjetikës bërthamore duke zgjatur afatin e shfrytëzimit të reaktorëve ose duke ndërtuar centrale të reja.

Përgatiti në shqip: Sofia Popova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Bullgaria do të marrë kompensime për Centralin atomik “Kozlloduj”

Më shumë nga rubrika

Chat-i bullgar me inteligjencën artificiale BgGPT mund të shfrytëzohet falas nga të gjithë

Pse Sofja është kryeqyteti i përshtatshëm për Tubimin Panortodoks

Bullgaria është e para në BE që realizoi inteligjencën artificiale të nivelit të lartë në gjuhën e saj

Elegjia për Krahinat Perëndimore tingëllon si një requiem

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?