Bullgaria ka kërkuar të tërheqë kërkesën e saj në KE për pagesën e këstit të dytë në kuadër të Planit të Rimëkëmbjes dhe Qëndrueshmërisë

Bullgaria ka kërkuar të tërheqë kërkesën e saj në Komisionin Evropian për pagesën e këstit të dytë sipas Planit Kombëtar të Rimëkëmbjes dhe Qëndrueshmërisë, njoftoi Komisioni për BNR. Kërkesa u bë dje pas koordinimit me Komisionin, njoftoi korrespondentja e BNR në Bruksel Angelina Piskova. Dje zëvendëskryeministri Tomisllav Donçev deklaroi se qeveria do të tërheqë kërkesën e dorëzuar në tetor të vitit 2023 për pagesën e dytë prej 653 milionë eurosh, do ta rishikojë dhe do ta dorëzojë sërish. Në këtë mënyrë qeveria do të përpiqet të shpëtojë paratë e këstit të dytë, i cili muaj më parë dukej i humbur.

Komisioni konfirmoi se më 16 prill Bullgaria ka paraqitur një kërkesë për rishikim të planit kombëtar. Sofja gjithashtu dëshiron të shtojë një kapitull në planin mbi mekanizmin REPowerEU.