Janë miratuar tre projekte strategjike energjetike

Në mbledhjen e sotme, Këshilli i Ministrave miratoi nënshkrimin e tre dokumenteve të rëndësishme strategjike për bashkëpunim në fushën e energjetikës, njoftoi BTA, duke cituar ushtruesin e detyrës së ministrit të energjisë, Vlladimir Malinov. Dokumenti i parë ka të bëjë me bashkëpunimin midis Bullgarisë dhe Republikës së Koresë në zhvillimin e bashkëpunimit në fushën e energjisë bërthamore, burimeve të rinovueshme të energjisë, përfshirë gazin natyror. Dokumenti i dytë është një deklaratë e përbashkët me ministrin e ekonomisë, tregtisë dhe industrisë së Japonisë për zhvillimin e bashkëpunimit në sektorin energjetik mes dy vendeve. Theksi kryesor do të jetë në gazin natyror dhe energjinë bërthamore, si dhe në fushën e hidroenergjisë dhe veçanërisht në hidrocentralin me "Çaira". Dokumenti i tretë është një deklaratë e përbashkët për thellimin e marrëdhënieve midis Bullgarisë dhe Gjermanisë në fushën e burimeve të rinovueshme, hidrogjenit, si dhe të krijimit të korridoreve të gjelbra për transferimin e energjisë së prodhuar nga burimet e rinovueshme.