Forumi Ndërkombëtar “ArtRozaliada” organizohet çdo vit në qytetin Veliko Tërnovo dhe u është kushtuar të dyja festave – asaj të dashurisë dhe asaj të verës, tha para Agjencisë Telegrafike Bullgare kuratori i ekspozitës docenti Vlladimir Avramov.
120 pjesëmarrës prej 9 shteteve prezantojnë rreth 240 krijime në sallat e ekspozimit “Rafaell Mihajllov”. Mes tyre janë autorë nga Izraeli, Polonia, Rumania, Serbia, Maqedonia, Çekia, Gjermania dhe Italia. Krijuesit bullgarë janë pedagogë dhe studentë nga Universiteti i qytetit Veliko Tërnovo, Akademia Kombëtare e Arteve, Universiteti i Sofjes, Universiteti i Ri Bullgar dhe Universiteti i qytetit Shumen.
Janë prezantuar të gjitha gjinitë e artit të pikturimit, por për herë të parë në ekspozitë marrin pjesë autorë konceptualë, të cilët punojnë me qelq. “Qelqi përmban në vetvete trupin enigmatik dhe të brishtë të dashurisë, por njëkohësisht është ena e cila e ruan verën, prandaj dhe ky theks është i rëndësishëm për historinë e simpoziumit”, shpjegoi docenti Avramov.
Ekspozita është gjithashtu konkurs dhe do të hapet më 14 shkurt në orën 17.30, kur do të dorëzohen çmimet e autorëve të dalluar.
Pas romanit “Strehim kohe”, me të cilin shkrimtari Georgi Gopodinov dhe përkthyesja e romanit në anglisht Angela Rodel fituan çmimin prestigjioz “Booker”, lexuesit britanikë mund të njihen me një libër tjetër të Georgi Gospodinov – “Fizika e..
Piktori Donço Donçev përfaqëson Bullgarinë në një ekspozitë botërore për artin e krijuar nga materialet e ricikluara në kryeqytetin e Katarit, Doha. Ekspozita fillon më 18 shkurt dhe do të vazhdojë deri në fund të muajit. Bullgari do të prezantojë 10..
Portretet Popart të Vasill Levskit, të frymëzuara nga vepra e artistit Andy Warhol, janë krijuar nga nxënësit e klasës së njëmbëdhjetë në shkollën bullgare "Dr. Petër Beron" në Reding. "Nxënësit tanë e njohin mirë punën e Andy Warhol dhe për këtë arsye..