Qyteti i Rilindjes Trjavna feston Ditën e Shën Llazarit, e cila festohet tradicionalisht përpara së Dielës së Dafinave (Cvetnica).
Zakoni bullgar i lidhur me dashurinë dhe martesën do të rikrijohet këtë të shtunë, më 12 prill, me pjesëmarrjen e vajzave nga Trjavna, të veshura si “llazarki” me kostume të bukura popullore dhe flokë të thurura, njoftoi Bashkia.
11 vajzat do të mblidhen herët në mëngjes në oborrin e muzeut "Shtëpia e Daskallovit" dhe me këngë e urime për shëndet do të fillojë thurja e kurorave të tyre me degë shelgu. Dhe këtë vit, momenti më emocionues do të jetë lëshimi i kurorave në ujërat e lumit Trevnenska nga Ura Kivgiren. Atëherë do të bëhet e qartë se cila vajzë do të martohet së pari.
Festa në Trjavna do të përfundojë të shtunën me këngë dhe valle në sheshin e qytetit, ku po zhvillohet edhe pazari dyditor i luleve "Aglika". Pasdite, vajzat do të vizitojnë edhe kompleksin arkitekturor dhe etnografik Etëra pranë qytetit të afërt të Gabrovos.
Foto: BTA - arkiv
Përgatiti në shqip dhe publikoi: Vesella Mançeva
Duke u zhvendosur në Besarabi më shumë se dy shekuj më parë, bullgarët morën me vete një pjesë të ritualeve tona të pasura. Në atdheun e tyre të ri, disa zakone u modifikuan nën ndikimin e traditave vendase, të tjera u zhdukën, ndërsa disa të tjera u..
Dita e parë e janarit është e mbushur me shumë emocione, pritje dhe gëzime të shoqëruara me shpresën për një vit të bekuar në të cilin çdo pjesëtar i familjes do të jetë i shëndetshëm dhe do të arrijë ëndrrat e tij. Në kalendarin bullgar të festave, 1..
Në ditët e sotme, si në të kaluarën, që nga mëngjesi i hershëm i Natës së Buzmit, familjet po merren me përgatitjet për darkën më të rëndësishme të vitit. Darka në pritje të Krishtlindjeve është pa mish, por gjithashtu duhet të jetë e pasur dhe e..
Dita e Llazarit festohet nga bullgarët ortodoksë të shtunën para Ditës së Dafinave (Cvetnica). Rituali kryesor quhet llazaruvane – një zakon i llojit..
Në traditën popullore bullgare, E Diela e Dafinave (Cvetnica) dhe Dita e Llazarit (Llazarovden) janë festa të ndërlidhura. Që nga Dita e Llazarit,..
Vranësira të dendura
Pjesërisht me re