Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Muzeu Arkeologjik i Burgasit tregon për llullat dhe duhanin në Bullgarinë mesjetare

10
Foto: BTA

Llulla nga fundi i shekullit XVII, nga shekulli XVIII dhe fillimi i shekullit XIX, si dhe tradita e kultivimit të duhanit në Bullgari, janë paraqitur në ekspozitën më të re të Muzeut Arkeologjik të Burgasit.

"Këto lloj llullash gjenden shpesh në territorin e Bullgarisë së sotme dhe kudo ku studiohen shtresat historike të Mesjetës dhe periudhës së Rilindjes," shpjegon për BTA guida e muzeut, Gergana Danabasheva. Në ekspozitën "Llullat prej qeramike të mesjetës së vonë nga fondi i Muzeut Historik Rajonal - Burgas", mund të shihen 40 llulla të mesjetës së vonë dhe disa të periudhës së Rilindjes, të zbuluara në zonën e Detit të Zi jugor. Pjesa më bukur e zbukuruar prej tyre është gjetur gjatë gërmimeve në qytetin antik Aqua Calidae, por ka edhe ekzemplarë të tjerë nga kërkimet pranë fshatrave të rajonit, si dhe rreth qyteteve Sozopol dhe Nesebar.

Në Europë dhe në Perandorinë Osmane ka pasur qendra të specializuara për prodhimin e llullave, të cilat në mes të shekullit XVIII prodhonin sasi të mëdha. Llullat e para të prodhuara në trojet bullgare kishin një formë të drejtë dhe ishin të ndikuara fuqishëm nga modelet e Evropës Perëndimore. Vendi, ku vendosej duhani, kishte formën e një koni të prerë. Në pjesën e poshtme, ajo hollohej gradualisht dhe kalonte në një tub të gjatë, me një kënd të drejtë ose të pjerrët. Pas pjekjes së baltës, këto llulla zakonisht merrnin një ngjyrë të bardhë. Më vonë, zbukurimet u bënë më komplekse, me detaje gjeometrike.

Në Bullgari, duhani është kultivuar që nga viti 1717 – kjo mësohet gjithashtu nga ekspozita në Burgas, e cila, përveç llullave, ofron informacion edhe për historinë e duhanit dhe prodhimit të tij.

Ekspozita " Llullat prej qeramike të mesjetës së vonë nga fondi i Muzeut Historik Rajonal - Burgas " do të jetë e hapur për vizitorët e interesuar deri në fund të shtatorit të këtij viti.

Përpiloi: Elena Karkallanova

Foto: BTA

Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Dollnosllav - qytetërimi i harruar, më i vjetër se Troja dhe bashkëkohës i Shumerit

Tetë mijë vjet më parë, në zonën e fshatit të sotëm bullgar Dollnosllav, lindi një nga kulturat më misterioze në Ballkan. Në rajonin e qytetit Asenovgrad të shtrirë midis fushës dhe malit, arkeologët zbuluan tuma vendbanimesh me gjurmë të jetës..

botuar më 25-04-26 8.25.PD
Papa Françesku në Bullgari në vitin 2019

Katolikët në Bullgari kujtojnë me dashuri takimet e tyre me Papën Françesk – Papa i Paqes dhe i Mëshirës

Bariu i shpirtit, prifti i të gjithëve me zemër të hapur, profet modern – këto janë disa nga përkufizimet me të cilat Papa Françesku mbetet në shpirtrat e njerëzve pavarësisht nga përkatësia, feja apo besimi. Në vitin 2019 ai vizitoi Bullgarinë,..

botuar më 25-04-22 4.16.MD
Atë Paolo Cortesi Foto: Komuniteti Katolik - Belene

Atë Cortesi: Gjithnjë e më shumë njerëz nga të gjitha kishat e krishtera po punojnë për të gjetur unitetin

Më 20 prill, të gjithë të krishterët kremtojnë Ringjalljen e Krishtit. Në sfondin e botës sonë të përçarë dhe të dhunshme, katolikët, së bashku me ortodoksët, armenët dhe protestantët, do të dërgojnë një mesazh shprese, duke ndarë gëzimin e përbashkët..

botuar më 25-04-20 6.00.PD