Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

95 vjet nga lindja e këngëtares popullore Stefka Sëbotinova

Stefka Sëbotinova
Foto: arkiv

Më 2 prill mbushen 95 vjet nga lindja e këngëtares popullore Stefka Sëbotinova. Ajo lindi në vitin 1930 në ish-fshatin Rozov Klladenec, sot fshati Obruçishte, rajoni i qytetit Stara Zagora të Bullgarisë Juglindore. Ajo vjen nga një familje emigrantësh nga Trakia e Еgjeut, të cilëve ia detyronte trashëgiminë e saj të pasur folklorike. Si koriste dhe soliste shumëvjeçare e Ansamblit Shtetëror “Filip Kutev”, Stefka Sëbotinova pati fatin të këndonte në sallat më të mëdha të koncerteve në mbarë botën. Në fillim të viteve 70-të të shekullit të kaluar, ajo u bashkua me Ansamblin e Këngëve Popullore të Televizionit dhe Radios Bullgare dhe korit "Misteri i Zërave Bullgarë".

Stefka Sëbotinova është gjithashtu e vetmja këngëtare me këngë solo në albumin e parë të etnologut, muzikant dhe producent zviceran Marsel Selier "Misteri i Zërave Bullgarë".

„Misteri i Zërave Bullgarë“

Ndër këngët e përfshira në album është "U përmbys mali", e cila që atëherë ishte pjesë e prodhimeve të mëdha filmike si "Jezusi i Montrealit".

Stefka Sëbotinova arriti famë të madhe botërore në mesin e viteve 90-të, kur "U përmbys mali" mori një aranzhim të ri bashkëkohor. Ky është pikërisht versioni që të gjithë e njohim dhe e duam sot, edhe pse këngëtarja nuk është me ne që nga viti 2010.

Stefka Sëbotinova

Interpretimi i këngëtares Stefka Sëbotinova është frymëzim edhe për këngëtarët e rinj. Një dëshmi për këtë është se kënga ka më shumë se një interpretim me një tingëllim krejtësisht modern.

Fama mbarëbotërore e këngës “U përmbys mali” është aq e pamasë sa ndonjëherë këngë të tjera nga repertori i këngëtares Stefka Sëbotinova mbeten në hije. Të mos harrojmë se një pjesë e madhe e punës së saj përfshin kryevepra nga krahina folklorike trake, si dhe këngë popullore humoriste - shumë prej tyre të regjistruara së bashku me këngëtaren Tinka Pesheva. Një prej tyre është “Moj Conke, spec i kuq”.

Redaktore: Diljana Traçeva

Përgatiti në shqip dhe publikoi: Svetllana Dimitrova

Foto: arkiv, YouTube /Bulgarian Folklore Music, Youtube / Nikollaj Antov




Последвайте ни и в Google News Showcase, за да научите най-важното от деня!

Më shumë nga rubrika

Më 27 prill, Kisha Ortodokse Bullgare kremton të Dielën e Shën Thomait, e quajtur edhe Antipashka

Në ditën e tetë pas Pashkëve, në fund të Javës së Ndritshme , pason një festë e veçantë e quajtur Antipashka , që do të thotë "në vend të Pashkëve" ose "e kundërta e Pashkëve". Megjithatë, ky nuk është një kontrast, por një thirrje për një..

botuar më 25-04-27 8.55.PD
Valeri Petrov (1920-2014)

105-vjet nga lindja e kalorësit të fjalës bullgare – Valeri Petrov

Mbushen 105 vjet nga lindja e Akad. Valeri Petrov – poet, shkrimtar, skenarist, dramaturg dhe përkthyes. I lindur më 22 prill 1920 në Sofje me emrin Valeri Nisim Mevorah, ai u diplomua në mjekësi në Universitetin e Sofjes. Për një farë kohe ai..

botuar më 25-04-22 6.10.PD

Të Shtunën e Madhe Krishti zbret në ferr dhe shpëton të drejtët

Shërbesat e së Shtunës së Madhe fillojnë të premten në mbrëmje me Oden për Krishtin. Kisha përkujton varrimin e Krishtit Shpëtimtar dhe zbritjen e Tij në ferr për të shpëtuar të drejtët e kyçur atje që vdiqën para veprës së Tij shëlbuese...

botuar më 25-04-19 4.55.PD