Në vitin 2009 një kompani shtetërore në Shangai nxori në treg kos me markën “Musilijan”, siç quhet fshati Momçillovci në Kinë. Shfaqja e produktit tonë u shoqërua me një fushatë reklamuese në shkallë të gjerë dhe emri i fshatit në malin e Rodopeve fitoi shpejt popullaritet në vendin aziatik, duke u bërë sinonim i shëndetit dhe jetëgjatësisë. 

Nuk u vonuan as turistët e parë kinezë. Në fshat filloi xhirimi i reklamave kineze, si dhe... një sezon i tërë i Survivor-it kinez. “Atëherë, 7 pjesëmarrësit në reality show, të pajisur vetëm me një fjalor bisedor bullgaro-kinez, jetonin në shtëpitë e njerëzve dhe merrnin pjesë në aktivitetet e tyre të përditshme – nga vjelja e barit deri te gërmimi i patateve, etj.”, kujton kryebashkiakja e Momçillovcit, Sijka Surkova dhe shton.

• “Survivor”- i kinez në Momçillovci

• Kosi “Momçillovci” – hit në tregun kinez

"Kjo nxiti interesimin e kinezëve për të vizituar Momçillovci, për t'u interesuar për fshatin, për të ndjerë misticizmin që pa ekipi /nga kompania kineze për prodhimin e kosit Musilijan – shën red./, i cili erdhi për të bërë kërkime, edhe para se marka të bëhej fakt. Gjëja më mbresëlënëse për ta është fshati ynë si një vendndodhje gjeografike, natyra e bukur, njerëzit e mirë dhe yjet e shumta në qiell. Kinezët thonë se kurrë nuk kanë parë kaq shumë yje në një vend dhe kaq afër tyre!”

Mirëpo, pandemia i dha fund bumit turistik kinez në malet Rodope. Ashtu si në shumë vende aziatike, kufizimet e rrepta të udhëtimit të Kinës në lidhje me Covid-19 u hoqën vonë. Që në vitin 2024 tregu turistik vendas filloi të ringjallet dhe interesi për Momchillovci filloi të kthehet.

"Shumica e turistëve kinezë vijnë gjatë festivalit të kosit, i cili është festa jonë treditore dhe organizohet së bashku me partnerët tanë kinezë – thotë Sijka Surkova. – Atëherë, delegacioni nga Kina përfshin, përveç përfaqësuesve të kompanisë së kosit, edhe influencues të ndryshëm vendas. Dhe ata janë aq të impresionuar që japin pa ndërprerje shumë informacion për konsumatorët kinezë. Kështu fshati ynë fiton një popullaritet gjithnjë e më të madh.”

Në fund të vitit të kaluar 2024, Momçillovci dhe i gjithë rajoni i Smoljanit morën pjesë në një ekspozitë të madhe turistike në qytetin kinez të Ningbo. "Ne patëm mundësinë të reklamonim veten si një destinacion turistik me fokus në Momçhillovci, por gjithashtu të prezantojmë potencialin tonë për pushime gjatë gjithë vitit në këtë pjesë të malit të Rodopeve," tha Momçill Karaivanov, përfaqësues i shoqërisë “Miqtë e Kinës” në Smoljan.

• Fshati i Rodopeve Momçillovci tërheq turistë nga Kina përgjatë Rrugës së Qumështit

"Ideja është që krahina e Smoljanit, përmes Momçillovcit dhe rajonit, të jetë i njohur në tregun turistik kinez, pasi klasa e tyre e mesme numëron rreth 300-500 milionë, dhe këta janë njerëz që kanë mundësi të udhëtojnë" – vuri në dukje Momçill Karaivanov.

Ndërkohë në Momçillovci po zhvillohen kurse të gjuhës kineze që organizohen çdo verë:

"Vit pas viti interesi për këtë kurs po rritet. Gjatë periudhës në të cilën ai mbahet, kursistë nga e gjithë Bullgaria vijnë dhe i bashkohen trajnimit me një entuziazëm të jashtëzakonshëm. Marrin pjesë edhe vendasit. Ideja është që kur të mirëpresin turistët kinezë, ata të jenë në gjendje t'i përshëndesin në gjuhën e tyre, të shkëmbejnë disa fjalë" – tha në përfundim Sijka Surkova.

Lexoni më shumë në koleksionin e Radio Bullgarisë:

• Momçillovci - fshati me 30 kishëza, tërheq pelegrinët nga vendi dhe jashtë

• Të Martën e Ndritshme në fshatin Momçillovci të malit Rodopa respektojnë një zakon të Malit të Shenjtë

Foto: Sijka Surkova, BGNES, confuciusinstitute.bg

Përgatiti në shqip dhe publikoi: Vesella Mançeva