Aktualisht, nuk ka asnjë mundësi rregullative për Bullgarinë që të ridrejtojë fondet nga Plani Kombëtar i Rimëkëmbjes dhe Qëndrueshmërisë për mbrojtjen dhe forcat e armatosura. Fondet janë të dedikuara plotësisht për detyrimet e përcaktuara në plan, tha zëvendëskryeministri Tomisllav Donçev gjatë kontrollit parlamentar. Zëvendëskryeministri bëri të ditur gjithashtu se vendi është kundër ridrejtimit të fondeve të kohezionit për mbrojtje dhe armatime në kuadër të planit ReArm Europe. "Nuk është e drejtë që paratë e politikës së kohezionit të ridrejtohen për armatim." Këto fonde janë kyçe për zbatimin e politikave të tjera - ndërtimin e infrastrukturës, kohezionin social, shkencën dhe inovacionin. “Unë jam i rezervuar për një ndryshim të tillë”, tha Donçev. Një qëndrim të ngjashëm shprehu në Bruksel në Këshillin e jashtëzakonshëm Evropian edhe kryeministri Rosen Zheljazkov.

• Bullgaria propozon që fondet e pashpenzuara nga Plani i Rimëkëmbjes dhe Qëndrueshmërisë të shfrytëzohen për mbrojtje