Në një bisedë telefonike, presidenti ukrainas Vollodimir Zelenski dhe kryeministri bullgar Rosen Zheljazkov diskutuan mënyrat për të vendosur një paqe të drejtë dhe të qëndrueshme në Ukrainë.

Zelenski shkroi në rrjetin social "X": "Shpreha mirënjohjen për mbështetjen e palëkundur të Bullgarisë për Ukrainën. Ne vlerësojmë thellësisht solidaritetin e popullit bullgar. Diskutuam mënyrat për të arritur një paqe të drejtë dhe të qëndrueshme për Ukrainën.Një komponent kyç për këtë janë garancitë efektive të sigurisë, të cilat do të funksionojnë vetëm nëse ato ndahen dhe mirëmbahen nga të gjithë partnerët tanë”, theksoi Zelenski. "E informova gjithashtu për diskutimet e mia të fundit me krerët e vendeve partnere. Jam mirënjohës për gatishmërinë e Bullgarisë për të punuar së bashku për të afruar ditën kur do të vendoset një paqe e drejtë dhe e qëndrueshme në Ukrainë. Ky unitet është pikërisht ajo që na duhet tani", shkroi edhe presidenti ukrainas.

Në rrjetin “X”, kryeministri falënderoi Zelenskin për bisedën e frytshme mbi qëllimin e përbashkët për arritjen e një paqeje të drejtë dhe të qëndrueshme.