Shkencëtarët e Akademisë Bullgare të Shkencave kanë hedhur poshtë me fakte spekulimet në Serbi që kundërshtojnë identitetin kombëtar të bullgarëve në Krahinat Perëndimore. Në mesin e janarit, bashkatdhetarët tanë atje i dërguan një letër presidentit serb Aleksandar Vuçiq, një sërë institucioneve në Beograd dhe ambasadave të vendeve anëtare të BE-së, duke dënuar përpjekjet në rritje për t'i klasifikuar ata si "komb i shopëve" (shopët janë një grup etnografik në Bullgarinë e sotme Perëndimore, Serbinë Lindore dhe Maqedoninë e Veriut Verilindore me identitet kombëtar bullgar, serb ose maqedonas- shënim red.), që flet "gjuhën e shopëve" në zonat me popullsi tradicionale bullgare në pjesën lindore të Serbisë. Në Bullgari, këto toka, të shkëputura nga vendi ynë në bazë të Traktatit të Neuilly-t,  quhen "Krahinat Perëndimore Bullgare".

Pasi shkencëtarët paraqitën fakte bindëse gjuhësore, duke hedhur poshtë spekulimet, Prof. Anna Koçeva nga Instituti i Gjuhës Bullgare sqaroi se fushata serbe kundër bullgarëve në Krahinat Perëndimore nuk është gjuhësore. “Ndoshta kjo ka të bëjë edhe me faktin se Serbia aktualisht është e përmbytur nga protestat dhe kërkon një armik të jashtëm, lojëra të tilla siç po ndodhin janë mjaft të rrezikshme dhe nuk janë në interes të së ardhmes sonë të përbashkët në Serbi dhe në BE”, paralajmëroi Prof. Koçeva.

Lexoni më tepër nga arkivi ynë:

• Elegjia për Krahinat Perëndimore tingëllon si një requiem

• 8 nëntori kujton dhimbjen e së kaluarës për bullgarët në Serbi

• Për bullgarët në Serbi

• Ivan Nikollov: Po humbasim “luftën” 100 vjeçare për mbijetesën e bullgarëve në Krahinat Perëndimore