Pas afro 80 vjetësh, në Bullgari u formuar një koloni e re fole e pelikanit të rrezikuar dalmat. Zogjtë pushtuan ishujt artificialë të ndërtuar nga Shoqata Bullgare për Mbrojtjen e Zogjve në zonën e " Kompleksit Mandra-Poda " pranë Burgasit. Ky është vendi i katërt i folezimit të specieve në Bullgari, së bashku me ato në liqenin Srebërna, ishullin Persin (Belene) dhe Zonën e Mbrojtur “Kalimok-Brëshlen”.

Në fund të vitit 2021 në kuadër të projektit ndërkombëtar “Jeta e Pelikanit” të sistemit ekologjik “Natyra 2000”, ekspertët dhe vullnetarët e Shoqatës Bullgare për Mbrojtjen e Zogjve ndërtuan dy platforma lundruese, secila me një sipërfaqe nga 40 metra katror në liqenet oksiduese të "Llukoill Neftohim Burgas" brenda kufijve të "Kompleksit Mandra - Poda" për të tërhequr zogjtë për të folezuar. Këto pellgje janë disa nga vendet më të preferuara të pushimit dhe të kalimit të natës për pelikanin dalmat në rajonin e liqeneve të Burgasit. Përveç kësaj, prania njerëzore atje është minimale, gjë që është me rëndësi të madhe për këtë specie. Më pas, këta ishuj artificialë u bënë vende të preferuara për pelikanë dalma dhe rozë.

Aktualisht, u zbuluan 23 fole, por zogjtë vazhdojnë të ndërtojnë fole në mënyrë aktive.

Lexoni më shumë nga koleksioni i Radio Bullgarisë: 

• Parku natyror “Persina”, ku zotërinjtë janë zogjtë

• Çerdhe për zogjtë, ishujt lundrues, muze dhe eko-shteg – mirë se vini në Rezervatin “Srebërna”