Në Bullgari ka shumë peshk. Përveç kësaj, vendi ynë është në një nivel shumë të lartë evropian të përpunimit. Këtë e tha për BNR në prag të Ditës së Shën Nikollës - festës së peshkatarëve dhe marinarëve, Dr. Jordan Gospodinov - drejtor ekzekutiv i Asociacionit të Prodhuesve të Produkteve të Peshkut BG Fish dhe kryetar i Këshillit Konsultativ për Detin e Zi. Peshqit e Detit të Zi janë një nga peshqit më cilësor për Evropën Lindore, theksoi ai. Në tregun bullgar peshku ofrohet me një çmim të përballueshëm për bullgarët. Sipas të dhënave të asociacionit, megjithatë, në Bullgari konsumohet rreth 10 kg produkte peshku për frymë në vit, që është pak në krahasim me konsumin evropian. Pothuajse 2/3 e troftës dhe krapit bullgar shkojnë në Rumani. Peshku bullgar eksportohet në tregjet aziatike dhe evropiane.