Në qytetin Veliko Tërnovo, ministri në detyrë i turizmit Evtim Milloshev hapi ekspozitën e 19-të ndërkombëtare "Turizmi kulturor" në të cilën marrin pjesë 10 vende dhe 30 komuna bullgare. Në mirëseardhjen e tij, Milloshev theksoi se turizmi është një pjesë jashtëzakonisht dinamike e ekonomive të të gjitha vendeve të botës, por turizmi kulturor është diçka shumë e veçantë. Nuk është vetëm një veprimtari komerciale, por edhe një përvojë e lidhur me trashëgiminë kulturore dhe historike, me potencialin qytetërues të vendeve që vizitohen. Ai theksoi se Veliko Tërnovo jo rastësisht ka statusin e kryeqytetit historik dhe shpirtëror të Bullgarisë. Sipas tij, qyteti, përveç veçorive natyrore, ka një histori të pasur dhe në një ditë jo të largët do të përballet me mbiturizëmin si destinacionet kryesore botërore, transmeton BTA.